RUHTA 1:15 - Jinghpaw Common Language Bible 2009

¹⁵ Dai rai nna, Naomi gaw shi hpe, “Ruhta e, na a kana pyi shi a amyu hte shi a hpara hpang de bai wa sai. Nang mung shi hte rau nta de nhtang wa su,” ngu nna tsun wu ai.

Jinghpaw Hanson Version Bible

¹⁵ Bai Naomi gaw, “Yu u, na nna pyi tinang amyu, tinang Hpara hpang de bai wa sai; na nna kaw hkan nang wa su,” ngu wu ai.

RUHTA 1:15 ပူးပေါင်းရင်းမြစ်များ

2 HKAWHKAM 2:2

hkrun lam e hkawm nga yang, Elia gaw Elisha hpe, “Ya nang e naw hkring nga u; dai Madu ngai hpe Behtela mare de sa wa na matu hkang da nga sai,” ngu nna tsun wu ai. Rai ti mung Elisha mahtang, “Ngai nang hpe n kau da na nngai gaw ahkrung nga ai dai Madu hta ngai sadi dung nga nngai hte maren, nang hpe dagam nngai,” ngu nna htan wu ai. Dai rai nna shan lahkawng Behtela mare de matut sa mat wa ma ai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

ZEHPANI 1:6

Ngai kaw nna kayin mat wa ai ni hte ngai kaw sa du nna hkan nang na loi mi mung n myit ai ni hte shanhte hpe lam woi na matu ngai hpe hpyi lajin ai lam n nga ai ni hpe ngai jahtum kau na mawe ai,” nga nna tsun nga ai.

BU HKAWM 10:30

Hoba gaw, “N rai law, nye a daidaw buga de mahtang nhtang wa na nngai,” ngu nna htan wu ai.

LUKA 24:28

Ya dai yan sa wa ai kahtawng de du magang yang, Madu gaw shawng de naw lai sa wa na zawn rai nga ai.

HEBRE 10:38

Nye a ding hpring ai masha ni chyawm gaw, kam sham ai hte hkrung nga na mara ai. Rai ti mung shanhte hta na langai ngai sit htingnut htak mat wa a yang gaw, ngai shi hta sharawng awng na nngai n rai,” nga nna tsun nga ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

YAWSHU 24:19

Yawshu gaw amyu masha ni hpe, “Rai ti mung, nanhte dai Madu hpe daw jau lu na myit dai n rai. Shi gaw chyoi pra ai Karai Kasang rai nga ai rai nna nanhte a shut hpyit ai yubak mara ni hpe raw dat ya na n rai; shi hte shingjawng kashun ai ni hpe yu sharang lu wu ai n rai;

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

TARA AGYI 11:24

Ya dai hpe nang bai madu la na shakut mayu nga n ni? Na a hpara Hkemosha nang hpe jaw ai made nang madu la lu na ndai; rai ti mung dai Madu anhte a Karai Kasang anhte hpe jaw mi ai hte maren, anhte gaw lam magup hpe madu la na rai ga ai.

RUHTA 1:14

Shing nga jang, shanhte gaw kalang bai ja ja hkrap hpang wa ma ai. Dai hpang Orpa gaw shi a kamoi hpe pup nhtawm nta de bai nhtang mat wa wu ai; rai ti mung Ruhta chyawm gaw shi hta a manoi nga ai.

RUHTA 1:16

Rai ti mung, Ruhta gaw, “Nang hte hka na, ngai hpe hkum shadut et! Nang hte rau tut tut hkawm sa lu n ga. Nang du ai shara shagu hkan ngai du nang na nngai; nang nga ai shara shagu hkan, ngai mung hkan nga na nngai. Na a amyu gaw nye a amyu, na a Karai Kasang gaw nye a Karai Kasang rai nga na ra ai.