RUHTA 1:14 - Jinghpaw Common Language Bible 2009

¹⁴ Shing nga jang, shanhte gaw kalang bai ja ja hkrap hpang wa ma ai. Dai hpang Orpa gaw shi a kamoi hpe pup nhtawm nta de bai nhtang mat wa wu ai; rai ti mung Ruhta chyawm gaw shi hta a manoi nga ai.

Jinghpaw Hanson Version Bible

¹⁴ Shing nga jang, shan ja ja bai hkrap ma ai; Orpa mahtang gaw kamoi hpe pup shakram kau da wu ai; Ruhta chyawm gaw shi hta a manoi nga ai.

RUHTA 1:14 ပူးပေါင်းရင်းမြစ်များ

NINGPAWT NINGHPANG 31:28

Ya gaw ngai shu ni hte ngai sha ni hpe pyi n lu pup, n lu shakram dat lu hkra, nang galaw nit hka! Dai gaw angawk ai amu rai nga sai!

NINGPAWT NINGHPANG 31:55

Ya hpang jahpawt manap jau jau aten hta, Laban gaw shi a kashu ni hte shayi sha ni hpe pup shakram dat nhtawm shi a nta de nhtang wa na nga, pru mat wa wu ai.

2 SAMUELA 19:39

Dai hpang Dawi hte shi a masha ni yawng Yawdan hka rap mat wa ma ai. Shi gaw Barazilai hpe pup nhtawm shaman da ya wu ai; shing rai Barazilai mung nta de wa mat wa wu ai.

1 HKAWHKAM 19:20

Dai hpang Elisha gaw shi a utang ni hpe kau da nhtawm Elia hpang de hkan kagat nang let, “Nye nu yan wa hpe pup nhtawm shakram da na we ai. Dai hpang nang kaw hkan nang na nngai,” ngu nna tsun wu ai. Elia mung, “Mai sa, nhtang wa su. Ngai nang hpe hkum da na we ai n rai!,” ngu nna htan wu ai.

GA SHAGAWP 17:17

Jinghku ni gaw tut nawng e, shanhte a tsaw ra myit hpe madun dan nga ma ai; ru yak tsin-yam hpe n chye garan hkam la ai rai yang, kaning re ai hpu nau ni daw hkat nga ga ta?

GA SHAGAWP 18:24

Masha nkau mi hte na na jinghku n hku nga ai, rai ti mung, hpu nau ni manoi ai hta grau sadi dung ai jinghku manang n kau mi mung nga nga ai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

MAHTE 16:24

Dai hpang Yesu gaw sape ni hpe, “Ngai hpang de sa wa mayu ai wa kadai rai ti mung, tinang hkum hpe nyet kau lu na rai nna, shi a wudang hpai let, ngai kaw hkan nang ru ga,

MAHTE 19:22

Dai shabrang wa gaw dai ga na jang, myit yawn let byawn hprang rai wa mat ai; hpa majaw nga yang, shi arai law law lu su ai wa rai nga ai.

KASA 17:34

Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 4:4

rai ti mung dai Madu nanhte a Karai Kasang hta kam sham manoi nga sai nanhte chyawm gaw dai ni du hkra naw hkrung nga lu manit dai.

2 TIMOHTI 4:10

Dema gaw ndai dinghta mungkan hpe tsaw ra ai majaw ngai hpe kau da nna Htesaloni mare de sa mat wa sai. Kareka gaw Galati mung de, Titu gaw Dalamati mung de sa mat wa masai.

HEBRE 10:39

Anhte gaw sit htingnut nna mat mat ai masha ni n re ai sha, kam sham nna hkye hkrang la hkrum ai ni rai nga ga ai.

RUHTA 1:13

shanhte kaba wa ai aten du hkra, nan la lu na myit ni? Kaga ni kaw num n wa hkra, dai ni hpe myit mada nga lu na rai myit ni? N rai na re, ngai nam yan e, dai lam hku n mai byin ai mung nan chye nga myit dai. Dai Madu gaw ngai hpe ari jaw ai hte ngai nan a matu grai myit yu machyi nga nngai,” ngu nna tsun wu ai.

RUHTA 1:15

Dai rai nna, Naomi gaw shi hpe, “Ruhta e, na a kana pyi shi a amyu hte shi a hpara hpang de bai wa sai. Nang mung shi hte rau nta de nhtang wa su,” ngu nna tsun wu ai.

RUHTA 1:7

Shanhte gaw Yuda mung de nhtang wa na matu rau pru sa wa ma tim,

RUHTA 2:11

Bua chyawm gaw, “Na a madu wa si mat ai hpang, na a kamoi hpe galaw jaw ai lam magup mung ngai na ni ai. Na a nnu yan nwa hte na a mungdan hpe kau da nna, shawng de nang galoi mung n chye n hkau ai masha ni a lapran e nang sa du nga ai lam ngai chye nngai.