ROMA 9:4 - Jinghpaw Common Language Bible 2009

⁴ Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

Jinghpaw Hanson Version Bible

⁴ shanhte gaw Israela masha rai nga ma ai; kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung, shanhte lu ma ai:

ROMA 9:4 ပူးပေါင်းရင်းမြစ်များ

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NINGPAWT NINGHPANG 17:10

Nanhte hta na lasha shagu hpe matu gadoi ya na matu, nang hte na a amyu matu ni yawng myit hkrum lu na rai myit dai.

NINGPAWT NINGHPANG 17:2

Nye a ga shaka hpe nang hte ngai tawn da nna, law htam ai amyu matu mung nang hpe jaw na nngai,” ngu nna tsun wu ai.

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

1 HKAWHKAM 8:11

dai Madu a hpung shingkang htoi kabrim nga ai rai nna shanhte gaw bai nhtang sa nna shanhte a daw jau magam bungli ni hpe n galaw lu nga ma ai.

NEHEMIA 13:29

Karai Kasang e, ndai masha ni gaw hkinjawng aya hpe mung, hkinjawng ni hte Lewi masha ni hte tawn da ai ga shaka hpe mung kaning rai awu asin di kau nga masai hpe adum nga u law.

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 63:2

Chyoi pra ai shara hta nang hpe ngai mu lu n-ga, nang gaw kade wa n-gun chyalai rawng nga ai hte hpung shingkang rawng nga ai hpe mung ngai mu lu n-ga.

SHAKAWN KUNGDAWN 73:1

Karai Kasang gaw myit masin san seng ai Israela amyu masha ni hpe kaja wa, chyeju jaw ya nga ai.

SHAKAWN KUNGDAWN 78:61

Shi a daru magam n-gun hte hpung shingkang a kumla rai nga ai Sakse Sumpu hpe gumlau hpyen ni rim la kau na ahkang shi jaw kau ya wu ai.

SHAKAWN KUNGDAWN 89:3

Nang gaw, “Ngai lata da ai masha wa hte ga shaka tawn da ni ai, nye a shangun ma kaja Dawi hpe ga sadi jaw da ni ai hte maren,

SHAKAWN KUNGDAWN 89:34

Shi hte galaw da ai nye a ga shaka hpe ngai jahten kau na n rai, shi hta tawn da ai ga sadi langai mi hpe pyi ngai shabai la na we ai n rai.

SHAKAWN KUNGDAWN 90:16

Na a shangun ma ni rai nga ai anhte hpe na a grau htum ai magam amu ni hpe mu shangun mi; anhte a aru arat ni mung na a hpung shingkang hte hpring ai n-gun atsam ni hpe mu shangun mi.

PRU MAT 12:25

Dai Madu gaw nanhte hpe jaw na ngu nna ga sadi tawn da sai mungdan de nanhte du shang wa ai shaloi, ndai nawku daw jau ai amu hpe galaw lu na rai myit dai.

PRU MAT 34:27

Dai Madu gaw Mawshe hpe, “Ndai ga ni hpe ka tawn u; ndai ga hta tsun ai hku hkan nna, nang hte mung, Israela amyu masha ni hte mung ga shaka tawn da nga nngai,” ngu nna tsun wu ai.

PRU MAT 4:22

Dai hpang, ‘Israela gaw nye a shadang sha alat rai nga li ai,

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

ESAIA 46:3

“Yaku a aru arat ni, nye a amyu masha kaw na naw ngam nga ai ni yawng hte e, nye a ga madat mu. Ngai gaw nanhte hpe nanhte shangai wa ai shani kaw nna bau maka wa ni ai.

ESAIA 5:2

Shi gaw ga sau htu lajang nna dai hta na nlung ni hpe rawm kau nga ai; shi gaw kaja htum ai sabyi ru ni hpe hkai da nga ai. Shi gaw dai hpe makawp maga na matu langchyi langai gap da nga ai, sabyi si ni kabye na matu nhkun langai hpe shi htu da nga ai. Shi gaw sabyi si ni myin na matu ala nga ai, rai ti mung sabyi si shagu gaw hkri mat nga ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

HOSEA 11:1

Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

BU HKAWM 7:89

Mawshe mung dai Madu hte ga shaga na matu Sum kata de shang wa yang, dai Ga Shaka Sumpu a magap ntsa na singkaw tu ai hkrung kanu lahkawng yan a lapran kaw nna dai Madu shi hpe ga shaga ai nsen na wu ai.

MAHTE 21:33

“Ga shadawn kaga langai mi hpe mung naw madat la mu. Kalang mi na sun madu langai mi gaw sabyi sun langai mi hkai sharam da nna, de a grup yin e nhpan kum da ai hte, dai hta e sabyi shup na htung htu da nhtawm, langchyi langai mi mung gap da nu ai. Dai hpang, sun galaw sha ai masha ni hpe shap ya nna kaga mungdan de bu hkawm sa mat wa ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

ROMA 9:6

Karai Kasang a ga sadi gaw dik tup wa sai ngu nna ngai n tsun nngai; hpa majaw nga yang Israela amyu masha ni yawng wa Karai Kasang a masha ni n rai ma ai.

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

GALATI 3:16

Ya Karai Kasang gaw shi a ga ndat ni hpe Abraham hte shi a aru arat hpe jaw da mu ai. Chyum laika gaw, “Aru arat law law,” shing n rai masha law law, ngu ai ga hpe n lang ai. “Na a aru arat” ngu ai langai wa hpe sha tsun nga ai rai nna dai gaw Hkristu hpe ngu ai rai nga ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

TARA JAHPRANG 14:1

“Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

TARA JAHPRANG 29:1

Ndai gaw Moba mung e du nga ai Israela amyu masha ni hte dai Madu Mawshe hpe hkang da let shagrin da ai ga shaka ladaw ni rai nga ai. Dai yawng gaw Sina Bum e shanhte hte dai Madu tawn da nu ai ga shaka hpe jat da ai lam rai nga ai.

TARA JAHPRANG 29:14

Ndai ga shaka hte ndai magam lit ni hpe dai Madu gaw nanhte hte sha tawn da nga ai n rai;

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TARA JAHPRANG 4:13

Shi nanhte hte tawn da ai ga shaka hpe shatup nna hkan galaw nga na matu mung, nlung lungpa lahkawng hta shi ka da nu ai Tara Kanu Shi hpe nanhte madat mara hkan sa lu na lam mung, shi shanhte hpe tsun nu ai.

TARA JAHPRANG 7:6

Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

HEBRE 9:1

Shawng na ga shaka hta nawku daw jau ai hte seng ai htung lai ni nga ai hte maren masha lata hte galaw ai nawku shara mung nga ra nga ai.

HEBRE 9:10

Dai lam ni gaw shahpa luhpa hte jasan jaseng ai htung lai amyu myu hte seng nna galaw ai lam ni sha rai nga ai. Dai ni gaw, Karai Kasang e ningnan bai gram lajang na ra ai aprat garai n du ai laman gan tawn da ai ntsa lam hte seng ai hkan sa tara ni rai nga ma ai.

HEBRE 9:3

Bai lahkawng ngu na nba grang a kata maga gawk na hpe Chyoi Pra Htum ai Shara ngu ma ai.

HEBRE 9:5

Dai Sumpu a ntsa e singkaw tu ai hkrung kanu sumla nga ai rai nna Karai Kasang shanu nga ai kumla shapraw ma ai. Shanhte a singkaw ni hpe yubak mara ni hpe raw kau ya ai shara ngu ai Sumpu magap ntsa e hpyan ka-up nga ma ai. Ndai lam a lachyum hpe azin ayang htai dan shara n nga ai.

HEBRE 9:6

Ndai nawku daw jau ai htung lai hte maren, hking jahkum lajang ngut ai hpang, hkinjawng ni gaw shanhte a daw jau ai amu gun hpai na matu sum kata na shawng du ai gawk de shani shagu shang ma ai.