ROMA 9:32 - Jinghpaw Common Language Bible 2009

³² Hpa majaw law nga yang shanhte gaw kam sham ai hta n shamyet shanat ai sha tara hkan shadik ai hte sha hkan shachyut ma ai majaw n dep lu ma ai. Dai rai nna shanhte gaw Chyum Laika hta tsun da ai, “Lunghkrung,” hta ahtu nna kataw mat ma ai.

Jinghpaw Hanson Version Bible

³² Hpa majaw law nga yang, kamsham ai hte n re ai sha, magam bungli hte sha hkan shachyut ma ai majaw n dep lu ma ai.

ROMA 9:32 ပူးပေါင်းရင်းမြစ်များ

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

ROMA 11:11

Yuda amyu masha ni gaw shanhte hten za hkrat sum mat hkra ahtu kataw wa ma sani? ngu nna san mayu nngai. Gara hku mung n hkrat sum ma ai! Shanhte yubak galaw ai majaw hkye hkrang la ai lam gaw maigan masha ni kaw du wa sai. Dai gaw Yuda masha ni manawn shara tai na matu rai nga ai.

LUKA 7:23

Ngai hta myit kataw ai lam n mu ai ni kadai mung a lu nga ai,” ngu nna tsun mu ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

LUKA 2:34

Simun gaw shanhte hpe shaman ya nna, kanu Mari hpe, “Yu u, ndai ma gaw, Israela ni hta law law a matu kataw shara hte, law law a matu rawt wa na lam mung, masha law law ndang kalang hkat na Karai Kasang kaw na kumla matu mung san da ai wa rai nga ai.

MAHTE 13:57

shi a lam myit kataw wa ma ai hte shi hpe n hkap la ma ai. Yesu mahtang, myihtoi gaw tinang a buga hta n rai yang she arawng lu nga ai, ngu nna shanhte hpe tsun mu ai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

ESAIA 8:15

Masha law law wa ahtu kataw na mara ai; shanhte gaw di hkrat ai hte agrawp mani kau ai hkrum na mara ai. Shanhte gaw mahkam hta rim hkrum na mara ai.”

1 PETRU 2:6

Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.