ROMA 9:3 - Jinghpaw Common Language Bible 2009

³ Hpa majaw nga yang nye a sai, nye a shan nan rai nga ai shanhte ni a matu mara Karai Kasang e dagam dala ai hkrum na hpe mung, Hkristu hte daw hka mat ai hkrum na hpe mung ngai hkam la mai yang hkam la mayu nga nngai.

Jinghpaw Hanson Version Bible

³ Kaning rai nme law, nye a amyu baw re ai, nye a hpunau ni a matu mara, ngai hkum dai Hkristu hte hka nna dagam dala hkrum na hpe, hkam mayu hkra rai nga nngai:

ROMA 9:3 ပူးပေါင်းရင်းမြစ်များ

NINGPAWT NINGHPANG 29:14

Laban gaw, “Rai sa, nang gaw kaja wa sha nye a ashan hte asai nan rai nga ndai,” ngu nna tsun wu ai. Shing rai Yaku gaw dai yang e shata mi tup nga nga ai.

2 SAMUELA 18:33

Hkawhkam wa gaw yawn hkyen ai hkrum nna mare chyinghka ntsa na gawk de lung wa nhtawm wa hkrap nga ai. Shing rai shi lung wa yang, “O ngai sha e! Nye a kasha Absalom e! Absalom ngai sha e! Nang si na malai ngai mahtang si mat n-ga law; ngai sha Absalom, ngai sha e!,” ngu nna jahtau hkrap wu ai.

ESHTA 8:6

Nye a amyu masha ni a ntsa e du na ndai ru yak tsin-yam tsindam hpe mung, nye a jinghku kahpu kanau ni sat kau hkrum na hpe mung, ngai kaning rai hkam jan lu na rai nga a ta?,” ngu nna tsun wu ai.

PRU MAT 32:32

Dai rai nna shanhte a yubak hpe chyeju hte raw dat kau ya u; rai ti mung nang n dat ya mayu ai rai yang chyawm gaw na a amyu masha ni a mying ni hpe nang ka da ai laika kaw na nye a mying hpe shaprai kau ya e law,” ngu nna tsun wu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 28:21

Shaloi shanhte gaw, “Na a lam Yuda mung na laika mung anhte n lu ga ai; dai de na anhte a Yuda amyu masha hpu nau ni kadai mung na a lam n kaja ai shiga n sa tsun ma ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

ROMA 16:11

Nye a Yuda bawsang wa Herodion hpe shakram ya mi, bai Hkristan hpu nau ni rai nga ai Naskiso a nta masha ni hpe shakram ya mi.

ROMA 16:21

Nye a shingdep shingtau rai nga ai Timohti hte nye a bawsang, Yuda masha ni rai nga ai, Luki, Yasun hte Sosipata hte gaw nanhte hpe shakram dat ma ai.

ROMA 16:7

Nye a Yuda amyu masha hpu nau rai nga ai, ngai hte rau htawng rawng yu ai Androniku yan Yuni hpe shakram ya mi; Dai yan gaw kasa ni hta masha yawng e chye ai; mying dan hkung nna nye a shawng e Hkristan tai wa ai yan rai ma ai.

ROMA 9:2

Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

1 KORINHTU 12:3

Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

1 KORINHTU 16:22

Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

GALATI 1:8

Rai ti mung, nanhte hpe anhte hkaw tsun dan sai Kabu Gara Shiga hte shai ai kaga Kabu Gara Shiga hpe anhte shing n rai, Sumsing lamu na lamu kasa langai mi nanhte hpe hkaw tsun dan a yang gaw, shi gaw ngarai hte ging dan ai dagam dala hkrum u ga.

GALATI 1:9

Nanhte hkap la da sai dai Kabu Gara Shiga hte shai ai kaga Kabu Gara Shiga langai mi hpe masha langai ngai nanhte hpe hkaw tsun dan a yang gaw shi dagam dala hkrum u ga, ngu nna shawng e anhte tsun yu saga ai hte maren, ya e ngai bai naw tsun nga nngai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

EHPESU 6:5

Mayam ni e, nanhte Hkristu hpe daw jau nga ai zawn, nanhte a shinggyim madu ni hpe madat mara let hkrit kamyin ai hte myit malang nna myit su ai hku galaw mu.

TARA JAHPRANG 21:23

Karai Kasang kaw na dagam dala, dai mungdan hta hkrum hkra chye nga ai majaw, hpun hta shana tup noi da lu na n rai; dai shani jang lup makoi kau lu na rai myit dai. Dai Madu nanhte a Karai Kasang nanhte hpe jaw ai mungdan hta awu asin n hkrum nga myit ga gaw, si mang lup kau lu na rai myit dai.

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.

1 SAMUELA 14:44

Shawlu gaw shi hpe, “Nang sat kau ai n hkrum na rai yang gaw Karai Kasang ngai hpe si hkra adup u ga!,” ngu nna tsun wu ai.