ROMA 9:2 - Jinghpaw Common Language Bible 2009

² Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

Jinghpaw Hanson Version Bible

² nye kraw lawang e yawn hkyen kaba hte tutnawng na atsu atsam ngai hkam nga nngai gaw, Chyoi pra ai Wenyi hta e nye a myit nsam gaw, ngai hte sakse hkam ya ai.

ROMA 9:2 ပူးပေါင်းရင်းမြစ်များ

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

ESAIA 66:10

Yerusalem hte rau kabu mu; Ndai mare hpe tsaw ra ai nanhte yawng hte gaw shi a matu kabu gara nga mu! Shi a majaw sharung shayawt hkrum ai ni yawng hte e, shi hte rau ya kabu gara nga mu!

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

SHARUNG SHAYAWT 3:51

Ndai mare na numsha ni a byin hkrum sha ai hpe ngai mu mada ai shaloi, nye a myit masin yawn nga li ai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

ROMA 9:3

Hpa majaw nga yang nye a sai, nye a shan nan rai nga ai shanhte ni a matu mara Karai Kasang e dagam dala ai hkrum na hpe mung, Hkristu hte daw hka mat ai hkrum na hpe mung ngai hkam la mai yang hkam la mayu nga nngai.

HPILIPI 3:18

Ndai lam shawng de ngai nanhte hpe law law lang tsun dan yu ni ai. Ya mung myi prwi hte kahtap nna tsun dan nga nngai. Wudang ntsa e Hkristu a si hkam ai lam hpe hpyen tai nna asak hkrung ai masha law law nga nga ma ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.

1 SAMUELA 15:35

Samuela hkrung nga dingsa, shi gaw hkawhkam wa hpe galoi mung n mu nu ai; rai ti mung, shi gaw Shawlu a majaw myit yawn nga ai. Dai Madu mung Shawlu hpe Israela hkawhkam shatai kau wu ai majaw yawn nga ai.