ROMA 9:16 - Jinghpaw Common Language Bible 2009

¹⁶ Dai rai nna Karai Kasang a lata la ai lam gaw masha a myit ra ai lam shing n rai masha a shakut shaja galaw ai hta n madung nga ai; Karai Kasang a matsan dum lama ai hta she madung nga ai.

Jinghpaw Hanson Version Bible

¹⁶ Dai rai nna, lu la mayu ai wa a myit e rai lu ai n rai, gat shakut ai majaw mung rai lu ai n rai, dai gaw chyeju rawng ai Karai Kasang a myit majaw sha rai nga ai.

ROMA 9:16 ပူးပေါင်းရင်းမြစ်များ

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

ESAIA 65:1

Dai Madu gaw, “Ngai gaw nye a amyu masha ni a akyu hpyi ga ni hpe htan ya na matu jin jin rai nga nngai, rai ti mung shanhte akyu n hpyi ma ai. Ngai hpe hkan tam na matu shanhte a matu ngai jin jin rai nga nngai, rai ti mung shanhte shakut pyi n shakut tam ma ai. ‘Ndai yang e ngai nga nga nngai; ngai nang hpe karum na nngai,’ ngu nna ngai shanhte hpe htan na matu tut nawng jin jin rai nga tim pyi, amyu baw gaw ngai kaw akyu hpyi yu ma ai n rai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 4:8

Bai, Nat gaw, nachying tsaw la ai bum ntsa de shi hpe woi lung wa da nna, mungkan ga na mungdan ni hte dai ni a hkik hkam ai arawng sadang hpe, shi hpe madun dan nhtawm,

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

YAWHAN 3:8

Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

GALATI 2:2

Ning rai ngai lung wa ai gaw Karai Kasang jaw ai shingran ga hte maren rai nga ai. Ningbaw ningla ni san san hte hpawng ai zuphpawng hta maigan masha ni hpe ngai hkaw tsun ai Kabu Gara Shiga a lam tsun sanglang dan nngai. Ndai zawn tsun sang lang dan ra ai lam gaw, shawng de rai ti mung, ya e rai ti mung ngai galaw gun hpai shakut nga ai magam amu hpe kaman lila sum mat ai lam n byin shangun mayu ai majaw rai nga ai.

EHPESU 2:8

Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.