ROMA 8:20 - Jinghpaw Common Language Bible 2009

²⁰ Dai hpan da hkrum ai nga yawng nga pra chyawm gaw shi a myit mada yaw shada ai lam shagawm shamat kau hkra daw dan ai hkrum nu ai. Dai zawn byin shangun ai gaw mungkan ga gaw shi a myit ra ai hku n re sha Karai Kasang dai hku byin shangun mayu ai majaw rai nga ai. Rai ti mung myit mada shara naw nga ai.

Jinghpaw Hanson Version Bible

²⁰ Dai nga yawng nga pra chyawm gaw, hten run lam npu e shagrit kau ai hkrum rai timung, tinang ra ai hku n re ai sha, nga yawng nga pra nan lala sharen da ngu ai hten mat ai kaw na shalawt dat ai hkrum nna,

ROMA 8:20 ပူးပေါင်းရင်းမြစ်များ

NINGPAWT NINGHPANG 5:29

“Dai Madu e dagam kau ai ga hta, ndai ma gaw anhte hkrum ai laja lana re ai amu bungli ni yawng hta na anhte a matu ngwi pyaw ai lam sa ya na ra ai,” ngu nna tsun wu ai; dai rai nna shi hpe Noa ngu nna shamying wu ai.

ROMA 8:22

Hpa majaw nga yang hpan da hkrum ai ndai mungkan ting gaw shinggyim machyi ai zawn ya ndai aten du hkra machyi madai sharung nga ai hpe anhte chye ga ai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

HPAJI NINGLI 1:2

Dai gaw kaman lila, kaman lila, rai nga ai nga nna sumru ninghkrin wa tsun nga ai. Asak hkrun lam gaw kaman lila rai nga ai, yawng mayawng kaman lila rai nga ai.

NINGPAWT NINGHPANG 6:13

Karai Kasang gaw Noa hpe, “Ndai shinggyim masha ni yawng hpe jahtum kau na matu, ngai daw dan da se ai. Shanhte a kashun kashe du daw sai hkaw amu ni gaw ndai mungkan hta hpring chyat nga ai majaw, shanhte hpe ngai atsai awai shamyit kau na nngai.

YOELA 1:18

Shanhte a matu yam nga udat shara n nga sai majaw, dumsu hpung ni myit htum let nbaw nga ma ai; sagu hpung ni mung nni nkri hkrum sha nga ma ai.

YEREMIA 12:11

Shanhte gaw dai mungdan hpe katsi katsang shara shatai kau manu ai; dai gaw nye a man e shingran katsi nga ai. Mungdan ting gaw zaibru jang tai mat nna kadai mung n yu lajang nga ai.

SHAKAWN KUNGDAWN 39:5

Nang jaw ya ai nye a asak gaw kade wa kadun nga a hka! Na a man e, nye a asak prat gaw hpa n rai nga ai zawn rai nga ai. Kaja wa ahkrung nga ai masha hkum shagu gaw nsa sa lai nbung hte,

ROMA 8:24

Hpa majaw nga yang myit mada ai hte anhte hkye hkrang la ai hkam la saga ai rai ti mung mu lu ai arai hpe myit mada nga ga yang gaw, dai gaw myit mada ai lam majing n rai nga ai. Mu lu ai arai hpe kadai wa myit mada nga a ta?