ROMA 8:2 - Jinghpaw Common Language Bible 2009

² Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

Jinghpaw Hanson Version Bible

² Kaning rai nme law, Hkristu Yesu hta e jahkrung ya ai Wenyi a tara gaw, yubak a tara hta na rai timung, si mat ai tara hta na rai timung, ngai hpe shalawt dat ni ai.

ROMA 8:2 ပူးပေါင်းရင်းမြစ်များ

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

EZEKELA 1:21

Dai rai nna, dai dusat ni hkawm ai shing n rai hkring sa ai aten hte ntsa de rawt lung wa ai aten shagu hta dai leng dingsen ni mung tup hkrak hkan nang nga ma ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 6:63

Asak jahkrung ya ai gaw Karai Kasang a Wenyi rai nga ai; masha a n-gun atsam gaw hpa lam n la nga ai. Ngai nanhte hpe tsun ai ga ni gaw Karai Kasang a asak jaw ya ai Wenyi rai nga ai.

YAWHAN 8:32

Teng man ai lam mung nanhte chye lu na marin dai rai nna, dai teng man ai gaw, nanhte hpe shalawt dat na ra ai,” ngu nna tsun mu ai.

YAWHAN 8:36

Dai re ai majaw Kasha wa e nanhte hpe shalawt dat myit yang gaw, nanhte kaja wa teng teng lawt lu na myit dai.

ROMA 16:3

Hkristu Yesu a magam bungli gunhpai ai hta nye a shingdep shingtau rai nga ai Priska yan Akula hpe shakram ya mi;

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:18

Nanhte gaw yubak kaw na shalawt dat ai hkrum manit dai majaw ding hpring ai a mayam ni nanhte tai wa manit dai.

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

ROMA 7:21

Dai re ai majaw ngai mai kaja ai galaw mayu ai shaloi, n hkru n hkra ai hpe she ngai lata galaw nga ai rai nna, tara lahkawng ngai hta ginrun rawng nga ai ngu ai hpe ngai mu hkrup nngai.

ROMA 7:23

Rai ti mung nye a hkum kata hta nye a myit hkrum ra sharawng ai tara hte gasat hkat nga ai kaga tara langai mi amu galaw nga ai hpe ngai mu we ai. Dai tara gaw nye a hkum shan hta shamu shamawt amu galaw nna ngai hpe yubak a tara hta bawng dung shangun nngai.

ROMA 7:4

Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

ROMA 8:1

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

2 KORINHTU 3:17

Ya “Madu” ngu ai gaw dai Wenyi hpe ngu ai rai nga ai. Madu a Wenyi shanu ai shara hta shanglawt ahkang mung nga nga ai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

GALATI 2:19

Jep ai Tara hte seng nna she tsun ga nga yang, jep ai Tara e nan ngai hpe sat kau ni ai rai nna, ngai gaw jasi rai mat ni ai. Ngai gaw Karai Kasang a matu hkrung nga n ga, Hkristu hte rau shi a wudang hta jen sat kau ai hkrum ni ai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

GALATI 6:2

Nanhte shada da a lit ni hpe gun hpai shingtau ai hte Hkristu a tara hpe shatup nga mu.

YAKU 1:25

Rai ti mung masha ni hpe shalawt la ai hkum tsup re ai tara hta azi yu ai wa gaw dai tara hpe na la nna bai malap kau ai wa n re ai sha, matut nna hkan galaw ai wa rai nga ai majaw, shi galaw ai hpe Karai Kasang shaman ya ai hkam la na ru ai.

SHINGRAN 11:11

Ya dai nhtoi masum ya e chyingdaw mi lai jang, Karai Kasang kaw nna jahkrung ya ai nsoi nsa shan hta shang wa nna, shan gaw jan rai, rawt tsap ma ai; shan hpe mu mada ai ni gaw, nachying hkrit gari nga ma ai.

SHINGRAN 22:1

Bai, lamu kasa gaw Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi hkrat wa ai pat zawn htoi san ai asak hkrung ai hka a hka nu hpe ngai e madun nngai.