ROMA 8:14 - Jinghpaw Common Language Bible 2009

¹⁴ Karai Kasang a Wenyi e lam madun woi awn ai hta hkan nang ai ni yawng mayawng hte gaw Karai Kasang a kasha ni rai nga ma ai.

Jinghpaw Hanson Version Bible

¹⁴ Karai Kasang a Wenyi e woi lakawn la ai hkrum mahkrum ni gaw, Karai Kasang a kashu kasha ni rai nga ma ai.

ROMA 8:14 ပူးပေါင်းရင်းမြစ်များ

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

GA SHAGAWP 8:20

Ngai gaw ding hpring ai lam hta hkawm sa nna, teng man ai tara dara lam hta ngai hkan nga nngai.

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

MAHTE 5:9

“Ngwi pyaw simsa lam a matu galaw gunhpai ai ni gaw a lu ma ai; hpa majaw nga yang, shanhte hpe Karai Kasang a kasha ni, ngu nna shamying na maru ai!

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

ROMA 8:5

Hkum shan myit e shangun ai hku asak hkrung ai ni gaw hkum shan a ra marit ai lam ni e shanhte a myit ni hpe up hkang kau ya mu ai. Wenyi e hkang ai hku asak hkrung ai ni gaw Wenyi ra ai hku shanhte a myit ni hpe up hkang nga ma ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

ROMA 9:26

Bai ‘Nanhte nye a amyu masha ni n rai nga myit dai,’ nga nna shanhte tsun kau hkrum ai shara dai yang e pyi, hkrung nga ai Karai Kasang a kasha ni ngu na marin dai,” nga ai.

ROMA 9:8

Ndai gaw lachyum ndai hku rai nga ai. Shawoi na hku shinggyim hkum shan e shangai ai kashu kasha ni gaw Karai Kasang a kashu kasha ni majing n rai ma ai! Karai Kasang a ga ndat tawn da ai hte maren shangai wa ai kashu kasha ni chyu sha matu mara majing ni re ngu nawn da mu ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 4:5

dai kasha wa gaw jep ai Tara a npu e rai nga ai masha ni hpe hkrang shaw la na matu shinggyim kanu hta shangai wa nna Yuda ni a jep ai Tara npu e prat pra wa sai.

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

GALATI 5:16

Da ndai ngai tsun nngai gaw, “Nanhte gaw Wenyi e matsun ai hte maren hkan sa galaw nga mu, hkum shan a marin marit ai hpe nanhte hkum shadik nga myit.

GALATI 5:18

Dai Wenyi e nanhte hpe woi awn myit yang gaw, nanhte dai jep ai Tara a npu e rai nga myit dai n rai.

EHPESU 1:5

Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 3:24

Karai Kasang a hkang da ai ga hpe hkan shatup ai wa kadai rai ti mung, Karai Kasang hte langai sha rai nga ai rai nna, Karai Kasang mung dai wa hte langai sha rai nna nga nga ai. Shing rai byin ai lam hpe Karai Kasang jaw ya ai dai Wenyi a jaw e anhte chye nga ga ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.