ROMA 8:10 - Jinghpaw Common Language Bible 2009

¹⁰ Hkristu gaw nanhte hta e nga nga yang, nanhte a hkum hkrang ni gaw yubak a majaw si na rai nga ai, rai ti mung Wenyi gaw nanhte hpe asak hkrung shangun na ra ai; hpa majaw nga yang nanhte gaw Karai Kasang a man e ding hpring wa lu manit dai majaw rai nga ai.

Jinghpaw Hanson Version Bible

¹⁰ Hkristu gaw nanhte hta e nga nga a yang gaw, hkumhkrang gaw yubak a majaw si nga rai timung, wenyi mahtang dinghpring ai a majaw ahkrung nga ai.

ROMA 8:10 ပူးပေါင်းရင်းမြစ်များ

JAW JAU 13:40

Masha langai mi hta shingdu aman baw krin mat ai rai tim, dai gaw shi hpe n san n seng shangun nga ai n rai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 15:5

“Ngai gaw sabyi ru madung rai nga nngai, nanhte gaw lakung lakying ni rai nga myit dai. Kadai rai ti mung, ngai hta noi nga nna ngai mung dai wa hta noi nga ai rai yang gaw, dai wa gaw asi law law si wa lu ai; hpa majaw nga yang, ngai hte hka jang, nanhte hpa mung n galaw lu myit dai.

YAWHAN 17:23

Nang ngai hpe shangun dat nna, nang ngai hpe tsaw ra nga ai zawn, shanhte hpe mung tsaw ra nga ai lam, mungkan masha ni chye lu na matu ngai gaw shanhte hta nga nga nna, nang mung ngai hta nga nga ai hte shanhte langai sha tai wa mu ga.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 6:54

Nye a ashan sha nna, nye a asai lu ai wa kadai mung, htani htana asak lu la nu ai. Ngai mung dai wa hpe hpang jahtum na nhtoi hta sharawt la na we ai.

YAWHAN 6:56

Nye a ashan sha nna, nye a asai lu ai wa kadai mung ngai hta rawng nga ai rai nna, ngai mung dai wa hta rawng nga nngai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkum hkrang ni hpe mung jahkrung ya na marin dai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

2 KORINHTU 13:5

Nanhte gaw dai makam masham hta asak hkrung nga ai ni rai n rai mu chye lu na matu tinang hkum hpe san jep nna jeyang yu nga mu. Nanhte tsep kawp sum hkrum ai ni n rai myit yang gaw, Hkristu Yesu nanhte hta nga nga ai lam hpe nanhte teng sha chye lu na myit dai.

2 KORINHTU 4:11

Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 3:17

makam masham a marang e Hkristu gaw nanhte a myit masin ni hta shi a shanu shara shatai u ga, hte tsaw ra myit hta ru jung npawt gaw da let,

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

HEBRE 12:23

Nanhte gaw Sumsing lamu na jahpan hta lawm ai kasha alat ni a kabu gara hpawng de nga ai hpawng de du nga manit dai. Masha amyu yawng hpe tara dara ai wa ngu ai Karai Kasang hpang de mung, jahkum shatsup hkrum sai ding hpring ai ni a wenyi ni hpang de mung, du nga manit dai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.