ROMA 8:1 - Jinghpaw Common Language Bible 2009

¹ Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

Jinghpaw Hanson Version Bible

¹ Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

ROMA 8:1 ပူးပေါင်းရင်းမြစ်များ

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

EZEKELA 18:9

Dai zawn re ai myit rawng ai wa gaw nye a hkang da ai ga ni hpe hkan nna nye a tara ni hpe sadi sahka ai myit hte shadik shatup ya nga ai. Shi gaw ding hpring nga nna asak hkrung nga lu na ra ai,” ngu nna Tsaw Htum ai dai Madu tsun ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, dai shani du ai shaloi, nanhte chye lu na myit dai.

YAWHAN 15:4

Ngai hta noi nga mu, ngai mung nanhte hta noi nga na nngai. Sabyi lakung gaw sabyi ru madung hta n jung n noi yang gaw, shi chyu sha asi n si lu ai zawn, nanhte mung ngai hta n jung n noi yang gaw, asi n si lu na myit dai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

ROMA 16:3

Hkristu Yesu a magam bungli gunhpai ai hta nye a shingdep shingtau rai nga ai Priska yan Akula hpe shakram ya mi;

ROMA 16:7

Nye a Yuda amyu masha hpu nau rai nga ai, ngai hte rau htawng rawng yu ai Androniku yan Yuni hpe shakram ya mi; Dai yan gaw kasa ni hta masha yawng e chye ai; mying dan hkung nna nye a shawng e Hkristan tai wa ai yan rai ma ai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

ROMA 5:16

Bai Karai Kasang jaw ya ai chyeju kumhpa hte masha langai mi tawt lai ai yubak mara gaw shai nga ai. Karai Kasang gaw marai langai mi yubak mara galaw ai shaloi, “Mara lu ai,” ngu nna tara daw dan ai lam galaw nu ai. Rai ti mung asak hkrung ai masha ni law law tara tawt lai shajang ai shaloi n ging n dan ti mung, “Mara n kap ai,” ngu ai chyeju kumhpa pru wa sai.

ROMA 7:17

Dai rai nna ngai galaw ai amu hpe galaw ai wa gaw kaja wa ngai hta rawng ai yubak she dai hpe galaw nga ai.

ROMA 7:20

Ngai n galaw mayu ai hpe ngai a galaw nga ai rai yang gaw dai hpe galaw ai wa a yubak she dai hpe galaw nga ai.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkum hkrang ni hpe mung jahkrung ya na marin dai.

ROMA 8:14

Karai Kasang a Wenyi e lam madun woi awn ai hta hkan nang ai ni yawng mayawng hte gaw Karai Kasang a kasha ni rai nga ma ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

ROMA 8:4

Karai Kasang ndai hku galaw shabyin ai lam gaw anhte gaw masha hkum shan myit ra ai hku n re ai sha Wenyi a myit ra ai hku asak hkrung nga ai anhte ni dai jep ai Tara hta matsun da ai ding hpring ai lam hpe hkan shadik lu na matu rai nga ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 15:22

Masha yawng mayawng gaw Adam hte langai sha rai nga ma ai majaw si ma ai. Dai hte maren, Hkristu hte langai sha rai nga ma ai majaw, yawng mayawng gaw si ai kaw na Hkristu hta e bai hkrung rawt wa na mara ai.

2 KORINHTU 12:2

Hkristan la langai mi gaw lai wa sai shi mali ning ten hta tsaw dik ai sumsing lamu de woi shapoi lung mat wa hkrum wu ai ngai chye nngai. (Dai zawn shapoi hkrum ai gaw hkum hkrang hte rai kun? shing n rai hkum hkrang n lawm ai kun? ngai n chye nngai, Karai Kasang sha chye nga ai.)

2 KORINHTU 5:17

Kadai rai ti mung Hkristu hte langai sha tai mat ai shaloi shi gaw masha ningnan tai wa sai, shawng na dingsa hte gaw lai mat wa sai, yu mu yawng mayawng ningnan tai wa sai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

GALATI 5:16

Da ndai ngai tsun nngai gaw, “Nanhte gaw Wenyi e matsun ai hte maren hkan sa galaw nga mu, hkum shan a marin marit ai hpe nanhte hkum shadik nga myit.

GALATI 5:25

Anhte Wenyi hta asak hkrung nga ga yang gaw, dai Wenyi e woi awn lam matsun madun ai hte maren hkawm sa nga ga.

EHPESU 1:1

Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.