ROMA 7:9 - Jinghpaw Common Language Bible 2009

⁹ Ngai hkum nan dai jep ai Tara hpe hpa n chye ai sha asak hkrung ai aten lang mi nga lai wa yu sai; rai ti mung dai jep ai Tara hpe ngai chye wa ai hte rau yubak gaw rawt prawn wa sai.

Jinghpaw Hanson Version Bible

⁹ Ngai chyawm gaw tara hta n nga ai wa, lang mi e pra nga nngai: rai timung dai ga matsun pru wa yang, yubak prawn wa ai, ngai mahtang si wa nngai;

ROMA 7:9 ပူးပေါင်းရင်းမြစ်များ

SHAKAWN KUNGDAWN 40:12

Ngai gaw ru tsang law law hte gawan da hkrum ai wa rai nga nngai dai gaw n dang hti hkra law la nga ai! Ngai loi mi pyi n mu mada lu hkra, nye a yubak ni mung ngai hpe dep nang mat sai; dai gaw nye baw na kara ni hta grau law ai rai nna, nye a myit gawng run mat sali ai.

MAHTE 19:20

Dai shabrang wa gaw, “Dai yawng mayawng hte hpe ngai naw kaji ai ten kaw nna pyi hkan shatup se ai; hpa mahtang ngai naw ra nga a ta?,” ngu nna shi hpe htan wu ai.

LUKA 15:29

Rai ti mung shi gaw, ‘Yu u, nde nlaw ning tup mayam langai mi zawn na a amu galaw ya ni ai; na a hkang ai ga ni hpe ngai galoi n lale ga nngai; rai ti mung, nye a kanawn manang ni hte pyaw poi sha na matu bainam kasha langai mi pyi nang ngai hpe galoi n jaw ndai.

LUKA 18:21

Dai wa gaw, “Dai ni yawng mayawng hpe ngai naw kaji ai ten kaw nna hkan se ai,” ngu wu ai.

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

ROMA 7:10

Dai hpang ngai si wa nngai; ngai hpe asak hkrung na matu jaw ya ai dai jep ai Tara nan nye a asak hpe si shangun sai.

ROMA 7:11

Yubak gaw shi a ginshan mu tam nna, dai Jep ai Tara hte ngai hpe hkalem kau nhtawm, dai hte ngai hpe sat kau ni ai.

ROMA 7:4

Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

ROMA 7:8

Dai hkang da ai ga a majaw yubak gaw marin marit ai baw sumhpa ngai hta byin pru wa hkra myit jasu sharawt ya na ginshan mu tam wa ai. Dai tara n nga a yang gaw yubak gaw jasi rai nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

GALATI 2:19

Jep ai Tara hte seng nna she tsun ga nga yang, jep ai Tara e nan ngai hpe sat kau ni ai rai nna, ngai gaw jasi rai mat ni ai. Ngai gaw Karai Kasang a matu hkrung nga n ga, Hkristu hte rau shi a wudang hta jen sat kau ai hkrum ni ai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.