ROMA 7:7 - Jinghpaw Common Language Bible 2009

⁷ Dai rai yang gaw, anhte kaning ngu tsun na rai ta? Dai jep ai Tara shi nan yubak rai nga ai ngu na rai ni? Shing n rai law! rai ti mung dai jep ai Tara gaw yubak ngu ai hpa re ai lam ngai hpe chye shangun ni ai. Lama wa dai Jep ai Tara gaw, “Masha kaga wa a arai hpe myit hkum marin e,” nga nna n tsun yang gaw myit marin ai gaw hpa re ai hpe ngai chye na n rai.

Jinghpaw Hanson Version Bible

⁷ Dai rai yang gaw, anhte kaning ngu tsun na ma? Dai jep ai tara gaw yubak rai nga n ni? Shing n rai u ga. Rai timung, jep ai tara hte sha n rai yang gaw, yubak hpe ngai n chye nngai: kaning rai nme law, Myit hkum marin, nga nna jep ai tara n tsun taw gaw, gaja wa, myit marin ai hpe ngai n chye nngai.

ROMA 7:7 ပူးပေါင်းရင်းမြစ်များ

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

SHAKAWN KUNGDAWN 119:96

Arai yawng mayawng hte gaw shadaw shadang a npu e nga nga ma ai; na a hkang da ai mungga gaw dam lada hkum tsup nga ai hpe, ngai sharin la lu ni ai.

PRU MAT 20:17

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

KASA 20:33

Ngai gaw gade a ja gumhpraw hpun nba mung n ra marin yu nngai.

ROMA 13:9

Hpa majaw nga yang, “Masha num hkum shaw, masha hkum sat, hkum lagu, masha wa a arai hpe myit hkum marin,” nga ai Jep ai Tara ni hte kaga Jep ai Tara nga manga hte gaw, “Na a htingbu wa hpe na a hkum hte maren nang tsaw ra lu na n dai,” nga ai ga langai mi sha hta gumhpawn lawm nga ai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 4:1

Dai she rai yang gaw, anhte amyu bawsang a kawa daju Abraham a lam hte seng nna hpa tsun nga na naw nga a ni? Shi a mahkrum madup hpa rai ta?

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 6:15

Dai rai yang gaw kaning ngu na law? Anhte gaw jep ai Tara n pu e n rai nga ga ai, Karai Kasang a chyeju n pu e she rai nga ga ai majaw yubak galaw na ga ni? Shing n rai u ga!

ROMA 7:11

Yubak gaw shi a ginshan mu tam nna, dai Jep ai Tara hte ngai hpe hkalem kau nhtawm, dai hte ngai hpe sat kau ni ai.

ROMA 7:13

Dai rai yang gaw mai kaja ai baw hta nye a matu si lam tai wa sani? Shing n rai u ga, ngai hpe si shangun ai gaw yubak rai nga ai. Yubak gaw shi a marai nsam dan leng wa u ga mai kaja ai hpe jai lang let ngai hpe si shangun ni ai. Dai rai nna yubak gaw gade wa hkrithpa rai nga ai lam jep ai Tara hku nna madun dan nga ai.

ROMA 7:5

Hpa majaw nga yang anhte ni hkum shan myit hkan nna asak hkrung nga ai shaloi yubak a marin marit ai myit hpe dai jep ai Tara e myit sharawt ya ai majaw anhte a hkum hkrang hta yubak galaw mayu ai myit katu nga ai hte anhte yawng dai hpe galaw nna jahtum e si wa saga ai.

ROMA 7:8

Dai hkang da ai ga a majaw yubak gaw marin marit ai baw sumhpa ngai hta byin pru wa hkra myit jasu sharawt ya na ginshan mu tam wa ai. Dai tara n nga a yang gaw yubak gaw jasi rai nga ai.

1 KORINHTU 15:56

Si hkrung si htan gaw shi a palen dai yubak mara kaw na lu la wu ai, yubak mara mahtang shi a atsam hpe dai jep ai tara kaw na lu la wu ai.

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

TARA JAHPRANG 5:21

“ ‘Kaga masha wa a madu jan hpe mung ra katsit ai myit hkum rawng myit; dai wa a dum nta hte lamu ga hpe mung, mayam ni hpe mung, shi a dumsu hte lawze ni hpe mung shi hte seng ai hpa hpe mung hkum ra marit nga myit,’ ngu nna tsun wu ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.

HEBRE 7:19

Hpa majaw nga yang, Mawshe a Tara gaw hpa lam hpe mung hkum tsup hkra galaw lu ai n rai. Ya chyawm gaw dai grau kaja ai myit mada shara jaw mani ai rai nna, de a marang e anhte Karai Kasang kaw sit shani shang lu ga ai.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.