ROMA 7:4 - Jinghpaw Common Language Bible 2009

⁴ Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

Jinghpaw Hanson Version Bible

⁴ Dai hte maren, hpunau ni e, si mat ai ni kaw na hkrung sharawt la hkrum ai la kaga ngu ai wa kaw, nanhte wa lu nna, anhte Karai Kasang a matu asi si lu u ga, nanhte mung Hkristu a hkumhkrang hta e si mat ai hkrum nna, jep ai tara hte daw hka wa manit dai.

ROMA 7:4 ပူးပေါင်းရင်းမြစ်များ

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

MAHTE 26:26

Ya shana shat sha nga ma yang, muk langai mi la nna shaman ya nhtawm ahkyep alep di nna sape ni hpe jaw let, “La sha mu, ndai gaw nye a hkum rai nga li ai,” ngu mu ai.

MARKU 4:20

Rai ti mung kaga masha ni chyawm gaw ga kaja hta hkai dat ai nli tum ni hte bung nga ma ai. Dai mungga hpe na la ai hte hkap la nna asi si ma ai rai nna nkau mi dang sumshi, nkau mi dang kru shi, nkau mi latsa mayat wa ma ai,” ngu nna shanhte hpe tsun mu ai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

ROMA 6:11

Dai hte maren yubak mara hte seng nna tsun ga nga yang nanhte gaw nanhte a hkum hpe si mat ai ni zawn myit nawn da ra myit dai. Rai ti mung nanhte gaw Yesu Hkristu hta e Karai Kasang hte kanawn mazum asak hkrung nga lu manit dai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:2

Kaja wa dai hku n rai law! Yubak mara hte si hka mat sai ni anhte gaw dai hta e kaning rai naw matut nna pra nga lu na ga ta?

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

ROMA 7:3

Dai re ai majaw madu wa garai n si yang la kaga kaw wa a yang gaw, la shaw ai num langai mi re ngu na rai nga ai; rai ti mung madu wa si mat sayang chyawm gaw, tara hta na lawt sai rai nna la kaga hte hkungran ti mung la shaw ai amu tawt lai nu ai n rai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 10:16

Anhte gaw Karai Kasang a chyeju hpe shakawn nna, a lu ai gawm kaw na sabyi hpe lu ga ai shaloi, Hkristu a sai hte kanawn mazum ai lam rai nga ai, n rai ni? Anhte muk ahkyep alep nna, dai hpe sha ai shaloi anhte gaw Hkristu a hkum hkrang hte kanawn mazum nga ga ai n rai ni?

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

GALATI 5:18

Dai Wenyi e nanhte hpe woi awn myit yang gaw, nanhte dai jep ai Tara a npu e rai nga myit dai n rai.

EHPESU 2:15

Shi gaw amyu lahkawng hpe Hkristu hte kahkyin gumdin nna amyu masha ningnan langai mi shabyin shalat na matu Yuda tara hte hpawn hkang da ai lam ni hte hkan sa tara ni hpe dawm shaprai kau nu ai. Ndai lai hku nna ngwi pyaw sim sa ai lam jaw ya sai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 4:17

Ning ngu nna ngai tsun nngai gaw, kumhpaw kumhpa ni hpe ngai ra marin nna n rai; nanhte galaw daw ai magam bungli a asi, amyat jahpan hta jat galu kaba wa na hpe sha ngai ra sharawng nngai.

KOLOSE 1:10

Shing rai yang nanhte gaw, Karai Kasang a myit ra ai hku asak hkrung lu nna shi a sharawng awng ai lam hpe tut nawng e nanhte hkan sa galaw lu na marin dai. Dai shaloi nanhte a asak hkrung lam gaw mai kaja ai magam bungli shagu hta asi si wa nna, Karai Kasang hpe chye chyang ai lam hta jat galu kaba wa na marin dai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

KOLOSE 1:6

Nanhte gaw Karai Kasang a chyeju lam hpe shawng nnan chye lu ai nhtoi kaw nna, dai chyeju hpe teng teng chye na hkam sha lu ai hte maren, dai Kabu Gara Shiga gaw nanhte kaw du dep sa wa ai. Dai hte maren, dai Kabu Gara Shiga gaw mungkan ting chyam bra wa nna asi law law si wa nga ai.

KOLOSE 2:14

Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

HEBRE 10:10

Yesu Hkristu gaw Karai Kasang galaw shangun mayu ai myit ra ai hku hte maren, shi a hkum hkrang nan hpe kalang mi hte yawng ngut hkra nawng ya kau ai a marang e, anhte yawng gaw yubak mara kaw na shachyoi shapra la ai hkrum lu saga ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

SHINGRAN 19:7

Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,

SHINGRAN 21:9

Shaloi, hpang jahtum na ari zinli ni hte hpring chyat re ai gawm lang ai lamu kasa sanit hta na langai mi ngai kaw sa du nna, “Sa rit, dai Sagu Kasha a madu jan ngu ai num ningnan, ngai nang hpe madun dan de ga,” nga nna ngai hpe tsun ai.