ROMA 7:3 - Jinghpaw Common Language Bible 2009

³ Dai re ai majaw madu wa garai n si yang la kaga kaw wa a yang gaw, la shaw ai num langai mi re ngu na rai nga ai; rai ti mung madu wa si mat sayang chyawm gaw, tara hta na lawt sai rai nna la kaga hte hkungran ti mung la shaw ai amu tawt lai nu ai n rai.

Jinghpaw Hanson Version Bible

³ Dai re ai majaw, madu wa garai n si yang, la kaga kaw wa a yang gaw, la shaw ai num shi hpe ngu na rai nga ai; madu wa si mat sayang chyawm gaw, tara hta na shi lawt lu sai rai nna, la kaga kaw wa timung, la shaw ai num tai na n rai.

ROMA 7:3 ပူးပေါင်းရင်းမြစ်များ

PRU MAT 20:14

“Num shaw la shaw amu hkum shut et.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

ROMA 7:2

Ga shadawn tsun ga nga yang, Hkungran sai numsha langai mi gaw shi a madu wa asak naw hkrung nga dingsa, hkungran ai tara hte gyit hkang da nu ai. Rai ti mung, madu wa si mat a yang gaw, madu wa hte gyit hkang da ai tara hta na shi lawt nu ai.

ROMA 7:4

Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

RUHTA 2:13

Ruhta gaw, “Madu e, nang gaw ngai hpe grai wa yu matsan dum chye ai wa rai nga ndai. Ngai gaw na a shangun ma langai mi a madang daram n rai nga tim pyi gaw ngai hpe ga ngwi ga pyaw shaga nna kabu gara hkam sha shangun nga ndai,” ngu nna bai htan wu ai.