ROMA 7:24 - Jinghpaw Common Language Bible 2009

²⁴ Chyum sha hkrum ai ngai wa e! Ndai si shangun ai hkum hkrang hta na, ngai hpe kadai wa mawai la na law e?

Jinghpaw Hanson Version Bible

²⁴ Chyum sha hkrum ai ngai wa e, ndai si shangun ai hkumhkrang hta na, ngai hpe kadai wa mawai la na law e?

ROMA 7:24 ပူးပေါင်းရင်းမြစ်များ

1 HKAWHKAM 8:38

ana ahkya hte machyi makaw shanhte hta hkrum sha yang, shanhte a akyu hpyi ga ni hpe madat mara ya u. Na a amyu masha Israela hta na kadai rai ti mung tinang a yawn hkyen ai myit hpe shapraw let ndai Nawku Htingnu de shanhte a lata sharawt nna akyu hpyi ai rai yang,

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 119:131

Na a hkang da ai ga ni hpe ngai sharawng nga nngai majaw, hka hpe gara ai zawn gara nna, n-gup mahka let kalawp nga nngai.

SHAKAWN KUNGDAWN 119:143

Myit ru myit tsang ai hte yawn hkyen ai ngai hkrum sha nga nngai; rai ti mung, na a hkang da ai mungga ni ngai hpe kabu gara shangun nga ai.

SHAKAWN KUNGDAWN 119:176

Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.

SHAKAWN KUNGDAWN 119:20

Aten shagu, na a tara dara ai lam hpe ngai chye mayu nga nngai majaw; nye a myit masin marit ai hte ndawt nga li ai.

SHAKAWN KUNGDAWN 38:2

Na a pala ni a jaw e, ngai hta nma kap nga nna nang ngai hpe adup kadawng tawn nga ndai.

SHAKAWN KUNGDAWN 6:6

Ngai yawn hkyen ai hte hki ba la nga nngai, nye a hkrap agru ai kaw na pru ai myi prwi gaw nye a yupra hpe madi ya nga ai rai nna, nye a baw hkum mung myi prwi ni hte madi nyap nga li ai.

SHAKAWN KUNGDAWN 71:11

“Karai Kasang shi hpe kau da nu ai; anhte shi a hpang hkan nna shi hpe rim la ga, shi hpe mawai la na masha kadai mung n nga ai,” nga nna shanhte tsun ma ai.

SHAKAWN KUNGDAWN 72:12

Shi hpe shaga ai matsan mayan masha ni, ra kadawn nga ai ni hte n sawn n sang di kau hkrum ai ni hpe shi mawai la nga ai.

SHAKAWN KUNGDAWN 88:5

Ngai gaw si ai ni a lapran hta kabai da ai hkrum nga nngai; lasa si nna shanhte a lup sung hku kata kaw kaleng taw nga ai ni zawn ngai rai nga nngai. Dai ni hpe nang tsep kawp malap kau nna, shanhte gaw na a karum la ai lam hpe n hkam la lu ai ni rai nga masai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MAHTE 5:4

“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

MAHTE 5:6

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

ROMA 8:13

Hpa majaw nga yang, nanhte gaw hkum shan a myit ra ai hku asak hkrung myit yang gaw nanhte si na rai nga myit dai; rai ti mung tinang a yubak hte seng ai arawn alai ni hpe dai Wenyi a karum ai hte sat kau myit yang gaw, nanhte hkrung nga na myit dai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

ROMA 8:26

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

KOLOSE 2:11

Nanhte gaw Dai Madu hte langai sha tai nna asak hkrung ai shaloi e matu gadoi hkam la manit dai rai nga ai. Dai gaw masha a lata hte galaw ai n re ai sha, ndai yubak kap ai hkum shan a n-gun atsam kaw na shalawt dat ai ngu ai Hkristu e shabyin ai matu gadoi hkam ai lam rai nga ai.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 2:15

Ndai lam hku nna si hkrung si htan hpe hkrit ai majaw prat tup mayam tai nga ai ni hpe shalawt dat wu ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.