ROMA 7:22 - Jinghpaw Common Language Bible 2009

²² Nye a kraw lawang myit gaw Karai Kasang a Tara hta kabu gara sharawng awng nga ai.

Jinghpaw Hanson Version Bible

²² Kaning rai nme law, nye kraw lawang myit hte Karai Kasang a tara hta e ngai kabu gara nga nngai;

ROMA 7:22 ပူးပေါင်းရင်းမြစ်များ

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 1:2

Shingrai na malai, dai Madu a Tara hpe madat mara nna, dai Tara hpe shani shana sharin la ai ni gaw kabu gara ai hpe mu la nga ma ai.

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:113

Nang hta tsep kawp sadi n dung ai ni hpe ngai n ju n dawng nga nngai; rai ti mung, na a hkang da ai tara hpe chyawm gaw ngai tsaw ra nga nngai.

SHAKAWN KUNGDAWN 119:127

Aja hte jet ai aja hta grau nna, na a hkang da ai tara ni hpe ngai tsaw ra nga nngai.

SHAKAWN KUNGDAWN 119:16

Na tara ni hta ngai kabu awng sharawng nga nngai; na a hkang da ai tara ni hpe ngai malap kau na nngai n rai.

SHAKAWN KUNGDAWN 119:167

Na a sharin shaga ai ga ni hpe ngai madat mara hkan sa nga nngai; dai lam ni hpe, nye a myit masin mahkra hte tsaw ra nga nngai.

SHAKAWN KUNGDAWN 119:174

Madu e, na a hkye hkrang la ai karum la lam hpe ngai kade wa marit nga a hka! Na a tara hta ngai kabu gara ai lam mu la nngai.

SHAKAWN KUNGDAWN 119:24

Na a ga matsun ni ngai hpe myit shapyaw ya nna; dai gaw ngai hpe hpaji jaw, lam madun ai ni rai nga ai.

SHAKAWN KUNGDAWN 119:35

Na a hkang da ai tara ni hta, kabu gara ai lam hpe ngai mu nngai majaw, dai ga matsun ni hpe chye madat mara nga shangun rit.

SHAKAWN KUNGDAWN 119:72

Nang ngai hpe jaw ya ai tara gaw mungkan ga na ja gumhpraw sut gan yawng mayawng hta grau nna manu dan nga li ai.

SHAKAWN KUNGDAWN 119:92

Lama wa, na a hkang da ai tara gaw nye a matu kabu gara ai npawt nhpang n rai taw gaw, nye a nni nkri hta ngai si mat wa na nngai.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

Shawlumon A Mahkawn Ga 5:3

Ngai gaw ntsa palawng raw kau se ai; ngai hpa majaw bai hpun na rai ta? Ngai gaw lagaw shin da ni ai; ngai hpa majaw bai a gang kau na rai ta?

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

JAW JAU 13:39

hkinjawng wa gaw dai wa hpe jep yu na rai wu ai. Dai hpyi shan pang re ai hta mut mut rai hpraw ai rai yang, dai gaw hpyi shan hta na pru wa ai maru sha rai nga ai. Dai wa gaw htung hte maren san seng nga ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

ROMA 2:29

Yuda masha majing chyawm gaw, kraw kata e matu gadoi hking hkam la ai wa mahtang rai nga ai. Dai wa hpe Yuda masha byin shangun ai lam gaw ka da ai jep ai Tara a majaw n rai, Karai Kasang a Wenyi e masha a kraw lawang kata hta amu galaw ai hte shabyin ai lam rai nga ai. Dai zawn re ai masha wa gaw masha kaw na shakawn kungdawn ai hpe hkam la ai n rai, Karai Kasang kaw na she hkam la ai wa rai nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.