ROMA 7:18 - Jinghpaw Common Language Bible 2009

¹⁸ Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

Jinghpaw Hanson Version Bible

¹⁸ Kaning rai nme law, nye a kraw e, rai sa, nye a shinggyim hkum shan myit hta, kaja ai baw n rawng li ai, ngai chye nga nngai: galaw mayu ai myit ngai hta a rawng nga timung, mai kaja ai hku galaw na ngai n mu lu we ai.

ROMA 7:18 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

YOBA 14:4

Shinggyim masha ni zawn n san n seng ai arai hpa kaw na mung san seng ai arai shapraw ya lu ai n rai.

YOBA 25:4

Kadai wa ding man lu a ta? Karai Kasang a man e kadai wa san seng lu na rai ta?

SHAKAWN KUNGDAWN 119:173

Na a hkang da ai ga matsun ni hta ngai hkan nang nga nngai majaw, ngai hpe karum la na matu, tut nawng e, jin jin rai nga u.

SHAKAWN KUNGDAWN 119:176

Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 119:40

Ngai gaw na a hkang da ai tara ni hpe madat mara mayu nga nngai; nang ding hpring nga ndai majaw, ngai hpe asak ningnan jaw ya e.

SHAKAWN KUNGDAWN 119:5

Na a ga matsun ni hpe hkan shatup lu hkra ngai sadi sahka rai nga lu na hpe, ngai kade wa myit mada nga a hka!

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

YAWHAN 3:6

Hkum shan hte shangai ai masha langai mi gaw, hkum shan rai nga ai; Wenyi hte shangai ai wa gaw Wenyi rai nga ai.

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

ROMA 7:15

Ngai shachyen ai amu hpe ngai n chye nngai, hpa majaw nga yang ngai galaw mayu ai lam hpe n galaw nga n ngai. Ngai n dawng n yawt ai bungli hpe sha agalaw nga nngai.

ROMA 7:19

Galaw mayu ai mai kaja lam hpe ngai n galaw ai wa, n galaw mayu ai dai n hkru n hkra ai hpe ngai galaw nga nngai.

ROMA 7:25

Anhte a Madu Yesu a marang e mawai la ai Karai Kasang a chyeju hpe ngai shagrau sha-a nngai! Dai rai nna nye a mabyin gaw ndai hku rai nga li ai; Nye a myit mang ai hte Karai Kasang a Tara hpe daw jau nga timung hkum shan mahtang gaw yubak a tara hpe daw jau nga ai.

ROMA 7:5

Hpa majaw nga yang anhte ni hkum shan myit hkan nna asak hkrung nga ai shaloi yubak a marin marit ai myit hpe dai jep ai Tara e myit sharawt ya ai majaw anhte a hkum hkrang hta yubak galaw mayu ai myit katu nga ai hte anhte yawng dai hpe galaw nna jahtum e si wa saga ai.

GALATI 5:17

Hpa majaw nga yang, hkum shan a marin ai lam gaw, Wenyi a ra ai lam hte nhtan shai nga ai, Wenyi a ra ai lam mung hkum shan a marin ai lam hte nhtan shai nga ai. Hkum shan a marin ai lam hte Wenyi a ra ai lam ndai yan lahkawng gaw hpyen rai nga ma ai. Dai rai nna nanhte gaw tinang galaw mayu ai hte maren n galaw lu myit dai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILIPI 3:12

Ngai gaw ya pyi dai kumhpa hpe lu la ni ai ngu nna mung, ya e hkum tsup rai nga ni ai ngu nna mung n tsun mayu nngai; rai ti mung dai kumhpa hpe ngai hpe jaw na matu Hkristu Yesu gaw ngai hpe jum magra la kau ni ai hte maren, dai kumhpa hpe ngai nan jum magra la lu hkra shakut shaja dingyang rai nga nngai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.