ROMA 7:14 - Jinghpaw Common Language Bible 2009

¹⁴ Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

Jinghpaw Hanson Version Bible

¹⁴ Dai hta kaga, jep ai tara gaw wenyi tara rai nga ai anhte chye ga ai; ngai mahtang hkum shan myit sha rawng nna, yubak e mari ai mayam rai nga nngai.

ROMA 7:14 ပူးပေါင်းရင်းမြစ်များ

NINGPAWT NINGHPANG 37:27

Shi hpe mahtang ndai Ishmaela masha ni a lata de dut kau dat ga; shaloi anhte shi hpe hpa mung n machyi shangun ra nga ga ai; hpang jahtum dik dik tsun ga nga yang, shi gaw anhte a kanau rai nna anhte a ashan hte asai majing nan rai nga ai,” ngu nna tsun wu ai. Shi a kahpu kanau ni mung dai lam hpe myit hkrum ya mu ai.

NINGPAWT NINGHPANG 37:36

Dai aten hta Midian masha ni gaw Yosep hpe Egutu mung na hkawhkam wa a du salang rai nga ai hkaw wang na sin langa ni a du Hputihpa hpe dut ya kau mu ai.

NINGPAWT NINGHPANG 40:15

Ngai gaw Hebre masha ni a mung kaw nna shagyeng rim woi la hkrum ai wa rai nga nngai. Ya ndai Egutu mung hta mung htawng e rim bang da hkrum na daram kaba ai ari hte ging dan ai amu hpa hpe mung n galaw shut kau yu nngai,” ngu nna tsun dan wu ai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 21:25

(Shi a madu jan Yezebela hkan shadut ai amu mahkra hpe galaw ai Ahab zawn dai Madu a man e n kaja ai amu hpe shi hkum nan myit jung ai hte htum hkra galaw kau lu ai wa kadai mung nga nga ai n rai.

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 119:25

Ngai gaw sum kadawng mat nna, ga nhpu hta galeng taw mat ni ai; na a ga sadi hte maren, ngai hpe n-gun nnan jaw ya nna bai sharawt la e.

SHAKAWN KUNGDAWN 51:6

Nang gaw myit malang ai hte teng man ai lam hpe hpyi nga ndai majaw; nye a kraw lawang hta na a hpaji hte jahpring ya e.

GA SHAGAWP 30:2

Ngai gaw shinggyim masha hta dusat hte mahtang grau bung nga nngai; masha hta nga ang ai machye machyang ngai hta n nga nga ai.

GA SHAGAWP 30:5

“Karai Kasang gaw shi tawn da ai ga shaka sha-u hta sadi dung nga ai. Shi gaw shi a makawp maga ai hta shingbyi shara hpe hkan tam ai masha ni yawng a matu ninggang zawn rai nga ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 52:3

Tsaw Htum ai dai Madu gaw shi a amyu masha ni hpe, “Nanhte mayam tai nga myit dai shaloi, nanhte a matu gumhpraw manu n hkrat ra nga ai; dai hte maren, nanhte hpe shalawt dat na matu manu jahpu hkrat ra na ra ai n rai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

JAW JAU 13:12

Dai hpyi shan ana mahtang dai wa hta chyam bra wa nna baw kaw na lagaw du hkra ka-up nga ai rai yang, hkinjawng wa shi hpe bai jep ya na rai wu ai.

JAW JAU 13:16

Rai ti mung, hpye ai ningma hpe tsi kau ngut ai hpang bai hpraw wa yang gaw, hkinjawng wa hpang de bai sa madun na rai wu ai;

JAW JAU 19:18

Kadai hpe mung matai hkum htang myit; masin n si hkraw ai myit hkum rawng myit; na a htingbu wa hpe na a hkum hte maren tsaw ra lu na rai ndai. Ngai gaw dai Madu rai nga nngai.

AMO LAIKA (AMOS) 2:6

Dai Madu gaw, “Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 18:25

Dai shangun ma wa gaw hka wa na hpa mung n lu ai majaw, mayam hpe zawn shi hte rau shi a madu jan, shi a kasha ni hte shi lu malu yawng hte hpe dut kau nna hka wa u ga, ngu nna hkawhkam wa hkang da wu ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

LUKA 7:6

Dai rai nna Yesu gaw, shanhte hte rau sa wa ai. Shi dai nta hte gade n tsan ai kaw du jang, hpyen du wa gaw shi a jinghku ni hpe shangun dat nna, “Madu e na a hkum hpe hkum shatsang et, nye nta magaw npu e nang sa shang na gaw, ngai n ging n dan nngai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

GALATI 4:3

Dai hte maren anhte mung Wenyi lam hta myit su kung hpan ai masha ni garai n tai ai laman e, mungkan danghta hpe up nga ai Nat minla ni a mayam tai nga ga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.