ROMA 7:13 - Jinghpaw Common Language Bible 2009

¹³ Dai rai yang gaw mai kaja ai baw hta nye a matu si lam tai wa sani? Shing n rai u ga, ngai hpe si shangun ai gaw yubak rai nga ai. Yubak gaw shi a marai nsam dan leng wa u ga mai kaja ai hpe jai lang let ngai hpe si shangun ni ai. Dai rai nna yubak gaw gade wa hkrithpa rai nga ai lam jep ai Tara hku nna madun dan nga ai.

Jinghpaw Hanson Version Bible

¹³ Dai rai yang gaw, mai kaja ai baw nye a matu si lam tai wa sani? Shing n rai u ga. Dai mai kaja ai baw ngai hta si mat ai shabyin let, yubak majing shadan dan nna, dai ga matsun hte yubak gaw nachying n hkru ai yubak tai u ga she, yubak mahtang nye a si lam tai wa sai.

ROMA 7:13 ပူးပေါင်းရင်းမြစ်များ

MAHTE 28:8

Shaloi shan gaw dai lup de na alawan wa nhtawm, hkrit kahpra ai rai ti mung kabu gara ai myit hpring let shi a sape ni hpe tsun shana ya na matu gat wa ma ai.

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

GALATI 3:21

Dai rai nna jep ai Tara gaw Karai Kasang a ga ndat ni hte nhtan shai nga ai ngu mayu ai rai ni? Gara hku nna mung n rai law! Hpa majaw nga yang kaja wa shinggyim masha ni gaw asak jahkrung ya lu ai jep ai Tara hpe lu la masai rai yang gaw, masha hkum shagu dai tara hpe hkan shatup nna Karai Kasang a man e ding hpring wa lu na sha rai nga ai.