ROMA 7:12 - Jinghpaw Common Language Bible 2009

¹² Dai rai nna Jep ai Tara shi nan chyoi pra nga ai, dai hkang da ai ga mung chyoi pra nga ai, ding hpring ai hte mai kaja nga ai.

Jinghpaw Hanson Version Bible

¹² Dai rai nna, jep ai tara gaw chyoi pra nga ai; dai ga matsun mung, chyoi pra, dinghpring ai hte mai kaja nga ai.

ROMA 7:12 ပူးပေါင်းရင်းမြစ်များ

NEHEMIA 9:13

Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

SHAKAWN KUNGDAWN 119:127

Aja hte jet ai aja hta grau nna, na a hkang da ai tara ni hpe ngai tsaw ra nga nngai.

SHAKAWN KUNGDAWN 119:137

Madu e, nang gaw ding hpring nga ndai hte na a tara ni mung teng man nga ai.

SHAKAWN KUNGDAWN 119:140

Na a ga sadi gaw kade wa teng man nga a hka! Dai hpe ngai kade wa tsaw ra nga n hka!

SHAKAWN KUNGDAWN 119:172

Na a hkang da ai tara ni gaw ding man nga ai majaw, na a tara lam hpe ngai mahkawn shakawn nga na nngai.

SHAKAWN KUNGDAWN 119:38

Nang hpe hkrit hkungga ai ni hpe jaw ya ai ga sadi, na a shangun ma wa, ngai hpe mung jaw ya e.

SHAKAWN KUNGDAWN 119:86

Na a hkang da ai tara ni yawng myit du kam hpa mai nga ai; masha ni gaw masu magaw ga ni hte ngai hpe zingri zingrat di mi ai- ngai hpe karum la e law!

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

ROMA 7:14

Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

ROMA 7:16

Ngai n galaw mayu ai hpe ngai galaw yang gaw dai jep ai Tara teng man nga ai lam ngai myit hkrum nngai.

TARA JAHPRANG 10:12

“Ya, Israela amyu masha ni e, dai Madu nanhte a Karai Kasang nanhte hpe hpa hpyi ai ga madat la mu; dai Madu hpe nawku nna shi hkang da mada yawng hte hpe hkan galaw mu; shi hpe tsaw ra nga mu, nanhte a myit masin mahkra hte shi hpe daw jau nga nna,

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.

1 TIMOHTI 1:8

Dai jep ai Tara gaw sun ang ai hku jai lang yang, mai kaja nga ai hpe anhte chye ga ai.