ROMA 7:1 - Jinghpaw Common Language Bible 2009

¹ Hpu nau ni e, nanhte gaw jep ai Tara a lam ni hpe chye nga myit dai rai nna, ya ngai nanhte hpe tsun na lam hpe atsawm sha chye na na myit dai. Jep ai Tara gaw masha ni hpe shanhte naw hkrung nga ai aten laman e up madu nga ai.

Jinghpaw Hanson Version Bible

¹ Bai, hpunau ni e, masha naw hkrung nga ai aten e, jep ai tara gaw shi hpe madu nga ai, nanhte n chye nga myit ni? (ning nga ai gaw, tara lam chye ai ni hpe ngai tsun nngai).

ROMA 7:1 ပူးပေါင်းရင်းမြစ်များ

EZRA 7:25

“Ezra e, nang gaw na a Karai Kasang nang hpe jaw ya sai hpaji byeng-ya lang nna, na a Karai kasang a tara hpe hkan ai, Uhprat a Sinna maga de nga ai masha ni yawng hpe up hkang na du ni hte tara agyi ni hpe san tawn u. Shing rai Tara a lam n chye ai ni kadai hpe mung dai lam nang sharin ya lu na rai ndai.

GA SHAGAWP 6:23

Shanhte a sharin shaga ai ga ni gaw htoi tu ai nhtoi rai nga ai, shanhte a shading sharai ya ai lam mung nang gara hku asak hkrung na lam hpe sharin ya lu nga ai.

ROMA 1:13

Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

ROMA 10:4

Hpa majaw nga yang, Hkristu hpe kam sham ai masha shagu Karai Kasang a man e ding hpring wa lu na matu Hkristu gaw dai jep ai Tara a prat ladaw hpe jahtum kau nu ai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:3

Anhte gaw Yesu Hkristu hte kahkyin gumdin nna langai sha rai na matu hkalup hkam la ga ai hpe nanhte kaja wa chye nga myit dai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

ROMA 9:3

Hpa majaw nga yang nye a sai, nye a shan nan rai nga ai shanhte ni a matu mara Karai Kasang e dagam dala ai hkrum na hpe mung, Hkristu hte daw hka mat ai hkrum na hpe mung ngai hkam la mai yang hkam la mayu nga nngai.

1 KORINHTU 9:8

Ndai shani shagu byin ai ga shadawn ni tsun dan ai hte sha ngai tsun mayu ai lam hpe shadawn shadang n jahtum mayu nngai, jep ai tara hta mung ndai lam tsun nga ai n rai ni?

GALATI 4:21

Jep ai Tara a npu e nga mayu ai ni hpe ngai san yu made ga; nanhte gaw dai jep ai Tara a hkang da ai lam hpe n na yu myit ni?