ROMA 6:9 - Jinghpaw Common Language Bible 2009

⁹ Hpa majaw nga yang, Hkristu gaw si ai kaw na bai hkrung rawt wa sai rai nna htawm hpang de galoi mung bai n si na sai lam anhte chye ga ai. Dai si hkrung si htan gaw shi hpe galoi mung n up da lu na sai.

Jinghpaw Hanson Version Bible

⁹ Hkristu hte rau si hkam ga yang gaw, anhte shi hte rau mung hkrung nga lu na ga ai, ngu nna anhte kamsham nga ga ai.

ROMA 6:9 ပူးပေါင်းရင်းမြစ်များ

ROMA 5:14

Rai ti mung Adam a prat kaw nna Mawshe a prat du hkra si hkrung si htan gaw shinggyim masha ni yawng a ntsa e up nga ai. Dai masha ni gaw Adam zawn Karai Kasang a Tara hpe tawt lai nna yubak galaw ai ni n rai ma ti mung si hkrung si htan gaw shanhte hpe up nga ai. Adam chyawm gaw htawm hpang de paw pru na ra ai wa a hkrang kumla rai nga ai.

ROMA 6:10

Dai rai nna shi si hkam sai majaw yubak mara gaw shi a ntsa e n-gun atsam hte n up da lu sai hte ya Madu gaw Karai Kasang hte rau kanawn mazum asak hkrung nga ai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:4

Dai re ai majaw Hkristu gaw kawa a hpung shingkang hte si mat ai ni kaw na hkrung sharawt la hkrum wu ai hte maren anhte mung asak ningnan hta rawt hkawm wa lu hkra, dai hkalup hkam ai hta e anhte si hkam nna shi hte rau lup makoi ai hkrum saga ai.

HEBRE 7:16

Dai wa gaw hkinjawng aya hta masha e gaw de shalat da ai tara masa hku nna dang da hkrum ai wa n rai; n htum n wai lu ai asak a n-gun atsam hku nna dang da hkrum ai wa she rai nga ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.