ROMA 5:8 - Jinghpaw Common Language Bible 2009

⁸ Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

Jinghpaw Hanson Version Bible

⁸ Rai timung, anhte yubak kap ai ni naw rai nga ga yang, Hkristu gaw anhte a matu mara si hkam ai hta, Karai Kasang nan shi a tsawra ai hpe, anhte kaw e shadan dat ma ni ai.

ROMA 5:8 ပူးပေါင်းရင်းမြစ်များ

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

YAWHAN 15:13

Jinghku ni a matu tinang a asak nawng kau hkra tsaw ra ai myit hta grau kaba ai tsaw ra myit ngu ai gaw n nga sai.

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 5:7

Kaja wa ding hpring ai masha langai mi a matu mara marai langai ngai si hkam na yak nga ai; mai kaja ai masha a matu mara chyawm gaw, si hkam gwi na pyi, langai ngai nga nhten.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 2:7

Shi ning rai galaw ai lam gaw Hkristu Yesu hta anhte hpe tsaw ra myit madun ai hta Madu a chyeju gaw laklai nna galu kaba nga ai lam htawm hpang prat dingsa e masha ni mu chye lu na matu rai nga ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

1 TIMOHTI 1:16

Rai ti mung Karai Kasang ngai hpe matsan dum la ai lam gaw, htawm hpang de Madu hpe kam sham nna htani htana asak lu la na rai nga ai ni yawng a matu mara kasi ningli langai mi tai nga u ga, Hkristu Yesu gaw ngai zawn re ai yubak lu ai ni hta sawng dik ai wa a ntsa e shi a myit galu hkam sharang ai hpe madun dan ai lam rai nga ai.

HEBRE 8:3

Hkinjawng Agyi shagu gaw kumhpaw kumhpa ni hte dusat hkungga ni hpe Karai Kasang kaw nawng jau na matu dang da hkrum ai wa rai nga ai, Dai hte maren anhte a Hkinjawng Agyi Kaba mung shi hta nawng jau na hkungga lama mi lu ra nga ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.