ROMA 5:7 - Jinghpaw Common Language Bible 2009

⁷ Kaja wa ding hpring ai masha langai mi a matu mara marai langai ngai si hkam na yak nga ai; mai kaja ai masha a matu mara chyawm gaw, si hkam gwi na pyi, langai ngai nga nhten.

Jinghpaw Hanson Version Bible

⁷ Gaja wa, dinghpring ai masha a matu mara si hkam na kadai n nga nhten; mai kaja ai masha matu mara chyawm gaw, si hkam gwi na pyi, langai ngai nga nhten.

ROMA 5:7 ပူးပေါင်းရင်းမြစ်များ

2 SAMUELA 18:27

Sin langa wa gaw, “Shawng e kagat sa wa ai wa gaw Ahimaza zawn rai nga ai hpe ngai mu lu nngai,” ngu nna tsun wu ai. Hkawhkam wa gaw, “Shi gaw kaja ai masha langai mi rai nga ai majaw shiga kaja gun sa na ra ai,” ngu nna tsun wu ai.

2 SAMUELA 18:3

Shanhte gaw, “Nang nan chyawm gaw anhte hte rau n pru sa u ga; anhte hta na naw ngam nga ai ni kayin hprawng mat wa ai rai ti mung, shing n rai anhte hta na ka-ang hkup dang sat kau ai hkrum ga ti mung, gumlau hpyen a matu laklai shai wa na n rai; nang mahtang gaw anhte hta na masha mun mi hta pyi grau manu dan nga ndai. Ndai mare hta nang nga nga nhtawm anhte hpe karum madi shadaw la na grau mai kaja nga ai,” ngu nna htan ma ai.

SHAKAWN KUNGDAWN 112:5

Masha kaga wa hpe ntaw ntsang hkoi ya nna, shi a kan bau bungli hpe ding man ai hku galaw nga ai wa gaw a nga ai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

YAWHAN 15:13

Jinghku ni a matu tinang a asak nawng kau hkra tsaw ra ai myit hta grau kaba ai tsaw ra myit ngu ai gaw n nga sai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

ROMA 16:4

Shan gaw nye a asak a matu tinang a du baw shatawng kau nna magam gun hpai ai yan rai nna ngai hkrai sha n rai, Yuda amyu masha n re ai ni a hpung ni yawng mung, shan hpe chyeju dum shakawn ga ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.