ROMA 5:20 - Jinghpaw Common Language Bible 2009

²⁰ Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

Jinghpaw Hanson Version Bible

²⁰ Shut hpyit ai amu law jat wa mu ga, jep ai tara gaw shang lawm wa sai:

ROMA 5:20 ပူးပေါင်းရင်းမြစ်များ

SHAKAWN KUNGDAWN 25:11

Madu e, na a ga sadi hpe shadik shatup nga u, nye a yubak ni hpe mung raw dat kau ya e; kaning rai nme law, dai hte gaw law la nga ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

EZEKELA 16:52

Ya chyawm gaw na a myi man sum shangun ai kaya kahpa lam hpe nang hkam la na rai ndai. Na a shut hpyit ai yubak mara ni gaw na a makau na, nang hpe hpa n chye ai zawn yu nga ai na a kanau kana ni shut hpyit ai hta grau nna sawng nga ai. Nang gaw na a kanau kana ni hpe hpa mara mung n shakap shangun ndai majaw, ya dai na a kaya kahpa amu hpe hkam la u,” ngu nna tsun wu ai.

BU HKAWM 21:9

Dai rai nna Mawshe mung magri mang lapu langai mi galaw nhtawm hpun shadaw langai a ntsa e sharawt tawn da wu ai. Shing rai lapu achye hkrum ai ni kadai mung dai magri mang lapu hpe mada yu nna shamai shatsai ai hkrum ma ai.

MAHTE 20:9

Shana de hkying manga hta amu shang galaw ai ni hpe gumhpraw lap lap hpra gu hkra jaw mu ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

LUKA 7:47

Dai lam a majaw ngai nang hpe tsun de ga, dai numsha a tsaw ra myit law law madun ai lam a majaw, shi a law la ai yubak mara ni hpe dat kau ya hkrum sai, ngu ai sakse madun nga ai. Kadai rai ti mung, loi sha mi raw dat kau ya hkrum ai wa gaw, loi sha mi tsaw ra ai lam madun dan nga ai,” ngu nna tsun wu ai.

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

YAWHAN 15:22

Ngai shanhte hpe n hkaw n tsun ai sha nga ai rai taw gaw, shanhte hta mara n nga na re ai. Ya chyawm gaw shanhte mara galaw sai lam gara hku mung mara lawt hkra tsun ndang shara n nga manu ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 6:1

Dai rai yang gaw kaning ngu tsun na rai ta? Karai Kasang a chyeju law htam wa u ga, yubak hta e naw ahkan nga na kun?

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.