ROMA 5:19 - Jinghpaw Common Language Bible 2009

¹⁹ Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

Jinghpaw Hanson Version Bible

¹⁹ Kaning rai nme law, masha langai mi a n madat mara ai a majaw, ga daga hpe yubak kap ai ni ngu shatai mu ai hte maren, marai langai mi a madat mara ai lam majaw, lanlak hpe dinghpring ai ni ngu shatai na maru ai.

ROMA 5:19 ပူးပေါင်းရင်းမြစ်များ

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

ROMA 5:18

Dai rai nna masha langai mi tawt lai ai yubak mara a majaw masha amyu baw nlang hte daw dan ai hkrum ma ai hte maren ding hpring ai amu langai mi a majaw masha amyu baw nlang hte gaw yubak mara a majaw daw dan ai hta na lawt lu nna asak sumdam nnan hkrung lu ma ai.

HPILIPI 2:8

Shi a myit hpe shagrit shanem kau nna, si ai du hkra madat mara nu ai. Kaja wa wudang hta si ai du hkra madat mara nga ai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

Daniela 9:24

“Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

ROMA 11:32

Hpa majaw nga yang masha nlang hte gaw shi a ga n madat n mara ma ai majaw Karai Kasang gaw shanhte hpe n madat n mara ai bawng masha ni tai shangun kau mu ai. Shing rai shi galaw ai gaw masha nlang hte hpe shi a matsan dum lama ai lam madun dan mayu ai majaw rai nga ai.