ROMA 5:17 - Jinghpaw Common Language Bible 2009

¹⁷ Masha langai mi tawt lai ai yubak mara a majaw si hkrung si htan up hkang ai lam hpe byin pru wa shangun ai gaw teng nga ai. Rai ti mung kaga masha langai mi ngu ai Yesu Hkristu galaw ai amu a majaw byin pru wa ai akyu gaw gade wa grau kaba nga a hka! Karai Kasang a n taw n tsang re ai chyeju hpe mung, Karai Kasang a man e ding hpring ai wa tai lu ai chyeju ahkaw ahkang hpe mung, hkam la lu ai ni nlang hte gaw Yesu Hkristu hta asak hkrung ai hte up hkang nga lu na mara ai.

Jinghpaw Hanson Version Bible

¹⁷ Dai hta kaga, marai langai mi tawt lai nna, dai langai mi a majaw si hkrung si htan up hkang nga sayang gaw, n taw n tsang ai chyeju hte dinghpring ngu ai kumhpa hpe hkam la ai ni gaw, Yesu Hkristu ngu ai wa langai mi a majaw, asak hkrung ai hte grau nna up hkang nga na masai.

ROMA 5:17 ပူးပေါင်းရင်းမြစ်များ

NINGPAWT NINGHPANG 2:17

rai ti mung kaja ai hte n kaja ai hpe chye ginhka shangun ai hpun hta na asi hpe chyawm gaw nang n sha lu na ndai. Dai hpun kaw na nang sha ai rai yang, dai shani jang nang si na rin dai,” ngu nna tsun wu ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 6:14

Hpa majaw nga yang nanhte gaw jep ai Tara n pu e n rai, Karai Kasang a chyeju n pu e rai nga myit dai majaw, yubak mara gaw nanhte a ntsa e up madu lu na n rai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

1 KORINHTU 15:49

Ga yun hte galaw ai masha wa hte bung ai gawng shingyan hpe anhte gun ga ai hte maren, sumsing lamu na du sa ai Masha wa hte bung ai gawng shingyan mung anhte gun na ra ga ai.

1 KORINHTU 4:8

Ya nanhte hta ra mara hkum tsup hkra lu rau manit dai n rai ni? Nanhte lu su rau wa manit hka i? Anhte pyi hkawhkam garai n tai yang nanhte hkawhkam tai wa manit hka! Rai sa, nanhte hkawhkam tai yang she anhte mung nanhte hte rau hkaw dung lu na re ai majaw, kaja wa nanhte ni hkawhkam tai na ngai ra nga nngai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

2 TIMOHTI 2:12

Anhte matut nna hkam sharang nga ga yang gaw, anhte shi hte rau mung up nga lu na raga ai. Anhte shi hpe ningdang kau ga yang gaw, shi mung anhte hpe ningdang kau na ra ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

SHINGRAN 20:6

Shing rai shawng na si ai kaw na bai hkrung rawt wa ai ni a pang hta shang lawm lu ai ni gaw a lu nna chyeju n hpaw n ya hkam sha lu ma ai. Lahkawng lang na si ai lam gaw shanhte hpe hkra lu na n-gun atsam, ahkang n lu wu ai. Shanhte gaw Karai Kasang hte Yesu Hkristu a hkinjawng ni rai na mara ai rai nna, shaning hkying mi tup Hkristu hte rau up nga lu na mara ai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.