ROMA 5:14 - Jinghpaw Common Language Bible 2009

¹⁴ Rai ti mung Adam a prat kaw nna Mawshe a prat du hkra si hkrung si htan gaw shinggyim masha ni yawng a ntsa e up nga ai. Dai masha ni gaw Adam zawn Karai Kasang a Tara hpe tawt lai nna yubak galaw ai ni n rai ma ti mung si hkrung si htan gaw shanhte hpe up nga ai. Adam chyawm gaw htawm hpang de paw pru na ra ai wa a hkrang kumla rai nga ai.

Jinghpaw Hanson Version Bible

¹⁴ Shing nga rai timung, Adam a tawt lai ai lam hte maren yubak n galaw ai ni a ntsa e pyi, Adam kaw nna Mawshe a aprat du hkra si hkrung si htan up hkang nga sai: Adam chyawm gaw, du na ra ai wa a kumla rai nga ai.

ROMA 5:14 ပူးပေါင်းရင်းမြစ်များ

NINGPAWT NINGHPANG 19:25

kadit ting hte dai mayan hkan shanu nga ai masha ni yawng hte ga ntsa e tu matu mahkra hpe jahten kau mu ai.

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

NINGPAWT NINGHPANG 7:22

Ginding aga ntsa na nsoi nsa rawng ai nga manga hte mung si mat ma ai.

PRU MAT 1:22

Jahtum e, hkawhkam wa gaw shi a mung masha ni yawng hpe, “Shangai wa sai lasha shagu hte hpe Nila hka nu de kabai bang kau ya mu, rai ti mung numsha ni yawng hpe chyawm gaw jahkrung da ya mu,” ngu nna hkang da ai ga hpe shabra dat wu ai.

PRU MAT 1:6

Yosep a aten hta shi a kahpu kanau ni hte dai ban na masha nlang ni yawng si mat masai;

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

ROMA 5:12

Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

ROMA 5:17

Masha langai mi tawt lai ai yubak mara a majaw si hkrung si htan up hkang ai lam hpe byin pru wa shangun ai gaw teng nga ai. Rai ti mung kaga masha langai mi ngu ai Yesu Hkristu galaw ai amu a majaw byin pru wa ai akyu gaw gade wa grau kaba nga a hka! Karai Kasang a n taw n tsang re ai chyeju hpe mung, Karai Kasang a man e ding hpring ai wa tai lu ai chyeju ahkaw ahkang hpe mung, hkam la lu ai ni nlang hte gaw Yesu Hkristu hta asak hkrung ai hte up hkang nga lu na mara ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 8:20

Dai hpan da hkrum ai nga yawng nga pra chyawm gaw shi a myit mada yaw shada ai lam shagawm shamat kau hkra daw dan ai hkrum nu ai. Dai zawn byin shangun ai gaw mungkan ga gaw shi a myit ra ai hku n re sha Karai Kasang dai hku byin shangun mayu ai majaw rai nga ai. Rai ti mung myit mada shara naw nga ai.

ROMA 8:22

Hpa majaw nga yang hpan da hkrum ai ndai mungkan ting gaw shinggyim machyi ai zawn ya ndai aten du hkra machyi madai sharung nga ai hpe anhte chye ga ai.

1 KORINHTU 15:22

Masha yawng mayawng gaw Adam hte langai sha rai nga ma ai majaw si ma ai. Dai hte maren, Hkristu hte langai sha rai nga ma ai majaw, yawng mayawng gaw si ai kaw na Hkristu hta e bai hkrung rawt wa na mara ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.