ROMA 5:13 - Jinghpaw Common Language Bible 2009

¹³ Dai jep ai Tara garai n tawn da ai shawng kaw nna yubak mara gaw mungkan ga e nga nga sai. Rai ti mung, dai jep ai Tara garai n nga ai ten hta, Karai Kasang gaw masha ni a yubak mara ni hpe matsing da ai lam n nga ai.

Jinghpaw Hanson Version Bible

¹³ Kaning rai nme law, dai jep ai tara da ai du hkra yubak gaw mungkan ga e nga nga sa timung, jep ai tara n nga ai laman e, yubak shagun ai, ngu ai, n nga ai.

ROMA 5:13 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 18:20

Dai hpang dai Madu gaw Abraham hpe, “Sodom hte Gomora mare hpe mara shagun ai nsen hkrit hpa rai nga malu ai rai nna shanhte a yubak gaw grai wa kaba nga malu ai.

NINGPAWT NINGHPANG 19:32

Sa wa rit, an a kawa hpe shanang da gaw; shaloi an shi hpe rau lu yup nna shi a matu mara ni pra wa lu na rai nga ai,” ngu nna tsun wu ai.

NINGPAWT NINGHPANG 19:36

Ndai lam hku nna Lawt a shayi sha lahkawng yan gaw kawa hta na na-um nasin hkum ni tai wa masai.

NINGPAWT NINGHPANG 19:4

Dai manam yan yup ra garai n shang yang, Sodom mare na lasha ni dai nta hpe grup di wang da mu ai. Mare na lasha kaji kaba yawng mung dai shara hta nga nga ma ai.

NINGPAWT NINGHPANG 38:10

Shi galaw ai lam hpe dai Madu n ra sharawng wu ai majaw shi hpe mung sat kau wu ai.

NINGPAWT NINGHPANG 38:7

Era a sat lawat chyawm gaw n hkru n shawp nga ai rai nna dai gaw dai Madu hpe n sharawng awng shangun nga ai. Dai rai nna dai Madu gaw shi hpe sat kau wu ai.

NINGPAWT NINGHPANG 6:11

Rai ti mung shinggyim masha shagu gaw Karai Kasang a man e n hkru nga ma ai hte kashun kashe du daw sai hkaw amu gaw shara shagu hkan chyam bra nga ai.

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

1 KORINHTU 15:56

Si hkrung si htan gaw shi a palen dai yubak mara kaw na lu la wu ai, yubak mara mahtang shi a atsam hpe dai jep ai tara kaw na lu la wu ai.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.

1 YAWHAN 3:4

Yubak galaw ai wa kadai rai ti mung, Karai Kasang a tara tawt lai ai amu mung galaw nga ai, hpa majaw nga yang, yubak gaw tara tawt lai ai amu rai nga ai.