ROMA 5:12 - Jinghpaw Common Language Bible 2009

¹² Masha langai mi a jaw e yubak mara gaw ndai mungkan de shang wa nna, dai yubak a majaw si hkrung si htan ngu ai byin pru wa sai; de a majaw si hkrung si htan gaw masha amyu baw shagu hta chyam bra shang wa sai. Hpa majaw nga yang, masha shagu gaw yubak galaw ma ai.

Jinghpaw Hanson Version Bible

¹² Dai rai nna, masha langai mi a jaw e yubak gaw mungkan ga e shang wa nna, yubak a majaw si hkrung si htan shang nang wa ai hte maren, yawng mayawng yubak kap nga ma ai majaw, masha nlang kaw e si hkrung si htan du bang wa sai.

ROMA 5:12 ပူးပေါင်းရင်းမြစ်များ

NINGPAWT NINGHPANG 2:17

rai ti mung kaja ai hte n kaja ai hpe chye ginhka shangun ai hpun hta na asi hpe chyawm gaw nang n sha lu na ndai. Dai hpun kaw na nang sha ai rai yang, dai shani jang nang si na rin dai,” ngu nna tsun wu ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

EZEKELA 18:4

Ngai gaw masha shagu a asak hpe madu nngai. Kanu kawa a asak hpe mung, kashu kasha a asak hpe mung madu nngai. Yubak galaw ai wa chyawm gaw si na ra ai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

ROMA 5:18

Dai rai nna masha langai mi tawt lai ai yubak mara a majaw masha amyu baw nlang hte daw dan ai hkrum ma ai hte maren ding hpring ai amu langai mi a majaw masha amyu baw nlang hte gaw yubak mara a majaw daw dan ai hta na lawt lu nna asak sumdam nnan hkrung lu ma ai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

1 KORINHTU 15:56

Si hkrung si htan gaw shi a palen dai yubak mara kaw na lu la wu ai, yubak mara mahtang shi a atsam hpe dai jep ai tara kaw na lu la wu ai.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

YAKU 1:15

Shi a myit kayut ai gaw na-um na sin rai wa jang yubak mara hpe shangai dat wu ai; dai yubak mara kaba wa jang si ai hpe shangai dat wu ai.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.