ROMA 5:11 - Jinghpaw Common Language Bible 2009

¹¹ Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

Jinghpaw Hanson Version Bible

¹¹ Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

ROMA 5:11 ပူးပေါင်းရင်းမြစ်များ

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

LUKA 1:46

Shaloi Mari gaw, “Nye a myit masin dai Madu hpe shagrau li ai;

YAWHAN 1:12

Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

ROMA 2:17

Nang gaw gara hku rai nga n ta? Nang gaw na a hkum hpe Yuda masha langai mi re ngu nna dai jep ai Tara hpe kam hpa let Karai Kasang hta gumrawng nga ndai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

ROMA 5:10

Hpa majaw nga yang, anhte Karai Kasang a hpyen ni rai nga ga ti mung, shi a Kasha a si hkam ai a majaw anhte htinglu htinglai hkam la nna shi a jinghku ni tai wa shangun mi ai. Ya anhte htinglu htinglai hkam la nna Karai Kasang a jinghku ni rai saga ai majaw shi a asak sumdam hta e, anhte hkye hkrang la ai grau nna hkrum na ga ai.

ROMA 5:3

Dai hta n ga anhte hkrum ai tsin-yam tsindam ni hta mung kabu gumrawng ga ai; hpa majaw nga yang dai tsin-yam tsindam gaw shakut sharang ai,

ROMA 8:23

Rai ti mung hpan da hkrum ai mungkan sha n rai, Karai Kasang a shawng nnan na chyeju kumhpa rai nga ai Wenyi hpe hkam la sai anhte ni mung Karai Kasang a yin la ai kasha shatai la ai chyeju hte anhte a hkum hkrang ting raw dat hkrum na lam hpe mung ala nga let anhte a kraw kata hta madai nga ga ai.

ROMA 9:10

Dai hta n ga, Rebeka a shadang sha lahkawng gaw anhte a kaji kawa Isak hte lu ai kasha yan rai ma ai.

1 KORINHTU 10:16

Anhte gaw Karai Kasang a chyeju hpe shakawn nna, a lu ai gawm kaw na sabyi hpe lu ga ai shaloi, Hkristu a sai hte kanawn mazum ai lam rai nga ai, n rai ni? Anhte muk ahkyep alep nna, dai hpe sha ai shaloi anhte gaw Hkristu a hkum hkrang hte kanawn mazum nga ga ai n rai ni?

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

KOLOSE 2:6

Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!