ROMA 4:3 - Jinghpaw Common Language Bible 2009

³ Dai Chyum Laika mung “Abraham gaw Karai Kasang hpe kam sham wu ai rai nna shi a makam masham a majaw, Karai Kasang shi hpe ding hpring ai wa ngu nna hkap la wu ai,” nga ai.

Jinghpaw Hanson Version Bible

³ Dai Chyum Laika mahtang gaw kaning nga a ta? Abraham gaw Karai Kasang hpe kamsham nga ai rai nna, dai hpe dinghpring ai rai nga ai, shi a matu ngu ya wu ai, nga ai.

ROMA 4:3 ပူးပေါင်းရင်းမြစ်များ

NINGPAWT NINGHPANG 15:6

Abram mung dai Madu hpe kam hpa nga wu ai, dai lam a majaw, dai Madu gaw shi hpe awng sharawng ai hte hkap la wu ai.

SHAKAWN KUNGDAWN 106:31

Dai Hpineha galaw ai akyu hpe dai ni du hkra tut nawng e, myit adum nga ma ai; dai hpe prat mi hte prat mi adum nga na mara ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

MAHTE 20:9

Shana de hkying manga hta amu shang galaw ai ni hpe gumhpraw lap lap hpra gu hkra jaw mu ai.

MARKU 12:10

‘Wahpang gaw ai ni akyu n rawng sai ngu nna lata kau ai nlung gaw, yawng hta ahkyak dik ai njut jahtum na nlung tai wa sai.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

ROMA 4:5

Rai ti mung masha gaw tinang a tara shadik ai magam bungli ni hpe n kam hpa a yang gaw, Karai Kasang dai wa hpe shi a makam masham a marang e mara n lu ai wa re ngu nna daw dan ya na wu ai. Dai gaw shi a makam masham a marang e ding hpring ai ngu nna Karai Kasang a man e sawn ya ai lam rai nga ai.

ROMA 4:9

Dawi tsun ai, ndai a lu ai lam gaw matu gadoi hkam ai ni hte sha seng nga a ni? Kaja wa n rai law! Dai gaw matu gadoi n hkam ai ni hte mung seng nga ai. Hpa majaw nga yang, “Abraham gaw Karai Kasang hpe kam sham wu ai majaw Karai Kasang gaw shi hpe ding hpring ai wa ngu nna hkap la wu ai,” nga nna Chyum Laika hta ka da ai ga hpe anhte tsun ga ai.

ROMA 9:17

Hpa majaw nga yang, Karai Kasang gaw Egutu Hkawhkam hpe, “Ngai nang hpe Hkawhkam tai shangun ai lam gaw nang hta nye a daru magam atsam madun dan nna ga ntsa ting nye a amying gumhkawng wa shangun na matu she rai nga ai,” nga nna tsun ai lam Chyum Laika hta ka da nga ai.

YAKU 2:23

“Abraham gaw Karai Kasang hpe kam sham wu ai rai nna shi a makam masham a majaw shi hpe ding hpring ai wa ngu nna hkap la wu ai,” nga nna Chyum Laika hta tsun ai ga gaw dik tup wa sai. Dai rai nna Abraham gaw Karai Kasang a jinghku wa ngu ai hpe hkam la wu ai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?