ROMA 4:2 - Jinghpaw Common Language Bible 2009

² Lama wa Abraham gaw tinang galaw ai magam bungli ni a majaw Karai Kasang a man e ding hpring ai lu la a yang gaw shi hta gumrawng gumtawng na lam nga lu ai. Rai ti mung shi gaw Karai Kasang a man e gumrawng gumtawng ai lam n galaw lu wu ai.

Jinghpaw Hanson Version Bible

² Abraham gaw magam bungli hte dinghpring ai lu la a yang gaw, gumrawng gumtawng shara nga lu timung, Karai Kasang a man e n rai.

ROMA 4:2 ပူးပေါင်းရင်းမြစ်များ

NINGPAWT NINGHPANG 12:18

Dai hpang hkawhkam wa gaw Abram hpe shaga la nna, “Nang ngai hpe hpa galaw kau nit ni? Ndai numsha na a madu jan rai nga ai gaw nang ngai hpe hpa majaw n tsun dan n ni?

NINGPAWT NINGHPANG 12:20

Hkawhkam wa gaw shi a masha ni hpe hkang dat wu ai; shing rai shanhte gaw Abram hte rau shi a madu jan hpe mung shi madu da ai arai yawng mayawng hte nawng mungdan kaw nna shapraw dat mu ai.

EZEKELA 8:9

Shi gaw ngai hpe, “Shang u, dai yang e, shanhte galaw nga ai n hkru n shawp ai hte matsat shabat amu ni hpe yu yu u,” ngu nna tsun ai.

ROMA 15:17

Dai re ai majaw Hkristu Yesu hte langai sha re ai hku asak hkrung let Karai Kasang a magam amu gun hpai lu ai majaw kabu gumrawng lu nngai.

1 KORINHTU 1:29

De a lachyum gaw, Karai Kasang a man e kadai mung gumrawng gumtawng n rai lu na matu rai nga ai.

1 KORINHTU 1:31

Dai re ai majaw, Chyum laika hta tsun ai hte maren, “Kadai rai ti mung, gumrawng gumtawng mayu ai wa gaw, Karai Kasang galaw ai amu bungli a matu sha gumrawng gumtawng nga u ga.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

1 KORINHTU 9:16

Ndai Kabu Gara Shiga hpe ngai hkaw dan ai a majaw, nye a matu gumrawng shara n nga ai. Hpa majaw nga yang, ngai gaw Karai Kasang hkang da ai hte maren ngai n hkaw dan ai gaw n nga lu nngai. Ngai dai Kabu Gara Shiga hpe n hkaw dan a yang gaw hkrithpa dingnye lu na nngai.

2 KORINHTU 11:12

Anhte galaw ai hte maren shanhte mung galaw ga ai nga nna kaga “Kasa ni” tsun gumrawng na ahkang n lu mu ga, ya ngai galaw ai hte maren matut nna ngai naw agalaw nga na nngai.

2 KORINHTU 11:30

Ngai gumrawng na rai yang gaw, ngai gade gawng kya ai ngu ai lam hta she gumrawng na nngai.

2 KORINHTU 5:12

Ning ngu nna tsun ai hta anhte gaw tinang a kaja ai lam hpe nanhte a man e shagrau sha-a dan nga ga ai n rai; anhte a ntsa e nanhte kabu gumrawng shara lu la shangun na matu she rai nga ai. Shaloi she masha a arawn alai hpe n yu ai sha shinggan nsam hpe sha yu nna gumrawng chye ai ni hpe mahtai jaw lu na rai myit dai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

EHPESU 2:9

Nanhte galaw ai magam bungli a majaw byin wa ai n rai, dai majaw de a lam kadai mung gumrawng shara n nga ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

YAWSHU 24:2

Yawshu gaw amyu masha ni yawng hpe, “Dai Madu Israela a Karai Kasang tsun ai ga ning nga nga ai: ‘Moi prat e, nanhte a kaji kawa ni gaw Uhprat hka nu a wora hkran de nga nna kaga hpara shaje ni hpe nawku ma ai. Dai kaji kawa ni hta Abraham hte Nahora yan a kawa rai nga ai Htera langai lawm nga ai.