ROMA 4:11 - Jinghpaw Common Language Bible 2009

¹¹ Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

Jinghpaw Hanson Version Bible

¹¹ Dai hta kaga, matu gadoi n hkam la ai sha, kamsham ai a majaw dinghpring ngu ya hkrum ai nlang hte a kawa mung;

ROMA 4:11 ပူးပေါင်းရင်းမြစ်များ

NINGPAWT NINGHPANG 17:24

Abraham gaw shi hkum nan matu gadoi hkam ai shaloi jahku shi jahku ning rai nga salu ai.

SHAKAWN KUNGDAWN 47:9

Masha amyu baw ni a du salang ni gaw Abraham a Karai Kasang a amyu masha ni hte rau hpawng nga ma ai. Hpyen dap ni yawng hta daru magam n-gun shi grau kaba nga ai; shi gaw tsaw htum ai hku up hkang nga ai.

PRU MAT 12:13

Chyinghka hkadun ni hta kap ai asai gaw nanhte rawng nga ai nta hpe matsing na matu kumla tai na ra ai. Dai asai hpe ngai mu ai shaloi, nanhte hpe ngai shalai kau da na we ai. Egutu masha ni hpe ari jaw ai shaloi nanhte hta machyi shoichyum hkrum na myit dai n rai.

PRU MAT 31:13

htawn tsun na matu Mawshe hpe, “Bansa Nhtoi ngu ai nye a ban sa ai nhtoi hpe hkan shadik nga mu; hpa majaw nga yang, dai gaw nanhte hte nye a lapran e prat mi hte prat mi sakse kumla tai nna Ngai Madu nan nanhte hpe nye a amyu masha ni shatai la ni ai hpe mung, madun dan na matu mung rai nga ai.

PRU MAT 31:17

Ngai Madu nan kru ya laman sumsing lamu hte ginding aga hpe hpan hpajang da nna, sanit ya nhtoi hta bungli galaw ai hpe jahkring da ai hte ban sa la nngai majaw, dai nhtoi gaw Israela amyu masha ni hte nye a lapran e htani htana na kumla tai nga na ra ai,” ngu nna hkang da wu ai.

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

EZEKELA 20:20

Bansa Nhtoi hpe chyoi pra ai nhtoi hku nna shachyoi shapra nga mu, dai gaw anhte tawn da sai ga shaka a kumla tai na ra ai; ngai gaw dai Madu nanhte a Karai Kasang rai nga nngai gaw nanhte hpe dum shangun na ra ai.

MAHTE 16:16

Simun Petru gaw htan nna, “Nang gaw Meshia ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 8:11

Bai ngai nanhte hpe tsun made ga, sinpraw maga de na hte, sinna maga de na masha ni law law wa du sa wa nna, sumsing lamu a Mungdan hta e, Abraham, Isak, Yaku hte hte rau lusha poi hta dung lu na mara ai.

LUKA 19:9

Shaloi Yesu gaw, “Dai ni ndai nta hta hkye hkrang la ai lam pru sai, hpa majaw nga yang, shi mung Abraham a kasha rai nga ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw teng man nga ai, nga nna shagrin ya nga ai.

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

YAWHAN 6:47

Nanhte hpe ngai kaja wa teng teng tsun made ga, kam sham ai wa gaw htani htana asak lu la lu ai.

YAWHAN 8:33

Shaloi shanhte gaw, “Anhte gaw Abraham a kashu kasha ni rai nga ga ai rai nna, gade a mayam mung galoi n tai yu ga ai. Dai re ai mi, ‘nanhte hpe shalawt dat na ra ai,’ nga nna kaning rai tsun lu a ta?,” ngu nna jawm san mu ai.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

ROMA 10:4

Hpa majaw nga yang, Hkristu hpe kam sham ai masha shagu Karai Kasang a man e ding hpring wa lu na matu Hkristu gaw dai jep ai Tara a prat ladaw hpe jahtum kau nu ai.

ROMA 10:6

Rai ti mung, Karai Kasang hpe kam sham ai hte Karai Kasang a man e ding hpring wa lu ai lam hte seng nna Chyum Laika hta, “Sumsing lamu de kadai wa lung wa lu na kun?”

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 3:26

Rai ti mung Karai Kasang gaw ndai prat hta shi a ding hpring ai lam shadan dan na matu shinggyim masha ni a yubak mara ni hte seng nna shabyin ai lam nga nga ai. Karai Kasang gaw shi nan ding hpring ai Madu rai nga ai hpe mung, Madu Yesu hpe kam sham ai ni yawng hte hpe ding hpring ai ni ngu nna hkap la ai hpe mung shadan dan nu ai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

ROMA 4:10

Dai zawn Abraham hpe ding hpring ai wa ngu nna Karai Kasang e sawn ya hkrum ai aten gaw galoi rai ta? Matu gadoi garai n hkam ai shawng e rai ni? Shing n rai hpang e rai ni? Matu kadoi hkam la ai hpang e n rai, garai n hkam yang she rai nga sai.

ROMA 9:30

Dai re ai majaw anhte tsun mayu ai lam gaw ndai hku rai nga ai. Karai Kasang a man e ding hpring ai ni tai lu na matu n shakut ai maigan amyu ni gaw, shi hpe kam sham ai a marang e Karai Kasang a man e ding hpring wa lu ma ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

ROMA 9:6

Karai Kasang a ga sadi gaw dik tup wa sai ngu nna ngai n tsun nngai; hpa majaw nga yang Israela amyu masha ni yawng wa Karai Kasang a masha ni n rai ma ai.

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

GALATI 3:29

Ya nanhte gaw Hkristu hte seng ai ni rai nga myit yang gaw, nanhte Abraham a aru arat ni rai nga myit dai hte, dai ga ndat nga ai hte maren Karai Kasang kaw na sali wunli hkam la lu na ni rai myit dai.

GALATI 3:7

Dai re ai majaw Karai Kasang hpe kam sham ai ni gaw Karai Kasang a kashu kasha ni majing rai nga ma ai hpe nanhte chye nga mu.

GALATI 5:5

Anhte chyawm gaw, Karai Kasang a Wenyi a atsam hta kam hpa let kam sham ai a marang e Karai Kasang a man e ding hpring ai ngu nna sawn ya ai ahkaw ahkang hpe lu la na ga ai ngu nna myit mada ala nga ga ai.

GALATI 6:16

Ndai arawn alai hkrang tara hpe tinang a asak hkrung lam hta hkan sa ai ni yawng a ntsa e mung, Karai Kasang a amyu masha ni a ntsa e mung, ngwi pyaw ai hte matsan dum ai gaw anga nga u ga law!

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

TARA JAHPRANG 30:6

Nanhte hpe mung, nanhte a amyu matu mara ni hpe mung madat mara chye ai myit masin, dai Madu nanhte a Karai Kasang jaw ya na ra ai rai nna nanhte a myit masin kraw lawang mahkra hte shi hpe tsaw ra lu na rai myit dai; shing rai dai mungdan hta nanhte anga nga lu na rai myit dai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

SHINGRAN 9:4

Shanhte gaw, ga ntsa na tsingdu hpe mung, tsit lali ai baw magup hpe mung, hpun magup hpe mung, hkra lu na n rai, ngu nna hkang da ai hkrum ma ai. Tinang a lahtan ni hta Karai Kasang a dazik n kap ai masha ni hpe sha zingri lu na ngu nna jep da mu ai.