ROMA 4:1 - Jinghpaw Common Language Bible 2009

¹ Dai she rai yang gaw, anhte amyu bawsang a kawa daju Abraham a lam hte seng nna hpa tsun nga na naw nga a ni? Shi a mahkrum madup hpa rai ta?

Jinghpaw Hanson Version Bible

¹ Dai she rai yang gaw, anhte a wa daju Abraham gaw, gawng shing-yan a atsam hte hpa akyu mu la a ta?

ROMA 4:1 ပူးပေါင်းရင်းမြစ်များ

ESAIA 51:2

Nang yu hkrat wa ai kaw na, na a kaji kawoi Abraham hte Sara yan hpe myit yu u. Ngai Abraham hpe shaga ai shaloi, shi hta kashu kasha garai n lu ai, rai ti mung ngai shi hpe shaman ya ai hte shi hpe kashu kasha jaw ni ai; ngai gaw shi a aru arat ni hpe shalaw jahtam ya ni ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

YAWHAN 8:33

Shaloi shanhte gaw, “Anhte gaw Abraham a kashu kasha ni rai nga ga ai rai nna, gade a mayam mung galoi n tai yu ga ai. Dai re ai mi, ‘nanhte hpe shalawt dat na ra ai,’ nga nna kaning rai tsun lu a ta?,” ngu nna jawm san mu ai.

YAWHAN 8:53

Nang wa mi, si mat wa sai anhte a wa Abraham hta grau kaba nga n ni? Myihtoi ni mung si mat wa masai; nang gaw, nang kadai wa re ai ngu nna myit nga n ta?,” ngu nna shi hpe tsun mu ai.

YAWHAN 8:56

Nanhte a kawa Abraham gaw, ngai du sa wa na nhtoi hpe mu lu na rai nna sharawng awng nga ai, dai nhtoi hpe mu lu ai shaloi mung kabu gara nga ai,” ngu nna htan mu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

ROMA 6:1

Dai rai yang gaw kaning ngu tsun na rai ta? Karai Kasang a chyeju law htam wa u ga, yubak hta e naw ahkan nga na kun?

ROMA 7:7

Dai rai yang gaw, anhte kaning ngu tsun na rai ta? Dai jep ai Tara shi nan yubak rai nga ai ngu na rai ni? Shing n rai law! rai ti mung dai jep ai Tara gaw yubak ngu ai hpa re ai lam ngai hpe chye shangun ni ai. Lama wa dai Jep ai Tara gaw, “Masha kaga wa a arai hpe myit hkum marin e,” nga nna n tsun yang gaw myit marin ai gaw hpa re ai hpe ngai chye na n rai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!