ROMA 3:25 - Jinghpaw Common Language Bible 2009

²⁵ Hkristu si hkam ai a marang e masha ni gaw yubak mara kaw na raw dat kau hkrum na matu Karai Kasang gaw dai Madu hpe gawng malai hkungga tai na san ya sai. Masha ni gaw shi hpe kam sham ai a marang e yubak mara kaw na raw dat hkrum ma ai, Karai Kasang gaw Hkristu hpe shagu hkungga hku masat ya ai lam gaw shinggyim masha ni hpe ding hpring ai ni ngu nna gara hku hkap la ai lam madun shadan dan na matu rai nga ai. Lai wa sai prat hta Karai Kasang gaw hkam sharang nna yubak mara ni hpe yu shalai kau ya sai.

Jinghpaw Hanson Version Bible

²⁵ Karai Kasang gaw myit sharang nga nna moi shawng na yubak mara ni hpe shalai dat kau ai majaw, shi a dinghpring ai lam hpe shadan dan u ga;

ROMA 3:25 ပူးပေါင်းရင်းမြစ်များ

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.

1 YAWHAN 2:2

Yesu Hkristu shi nan, anhte a yubak mara a matu mara gawng malai hkungga rai nga ai rai nna, shi a marang e anhte a yubak mara ni hpe raw dat kau ya mi ai hta n ga, masha shagu a yubak mara hpe mung raw dat kau ya sai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

HEBRE 10:4

Hpa majaw nga yang, usu asai hte bainam asai gaw yubak mara hpe galoi mung yeng seng kau ya lu ai n rai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

SHAKAWN KUNGDAWN 22:31

Garai n shangai ai masha ni hpe, “Madu gaw shi a amyu masha ni hpe hkye hkrang la sai,” nga nna tsun dan na mara ai.

JAW JAU 16:15

Dai hpang amyu masha ni a matu htingrai hkungga shatai na bainam hpe mung shi sat nna, de a asai hpe Chyoi Pra Htum ai Shara de la sa nhtawm magap a ntsa e mung, Ga Shaka Sumpu a man e mung, usu sai hpe galaw ai zawn dai hpe lapri bun na rai wu ai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

HEBRE 11:14

Dai lam ni hpe shing nga nna tsun ai ni gaw, shanhte nan nga na matu mungdan langai mi tam nga ma ai gaw dan leng nga ai.

SHAKAWN KUNGDAWN 119:142

Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.

1 YAWHAN 1:10

Anhte yubak n galaw saga ai, nga nna tsun ga yang gaw anhte gaw Karai Kasang hpe masu ai wa re ngu nna shadu ai lam rai nna shi a mungga anhte hta n rawng mat sai.

HEBRE 11:17

Abraham gaw Karai Kasang e chyam yu hkrum ai shaloi, kam sham ai hte kasha Isak hpe shagu hkungga di nna nawng ya kau wu ai. Abraham gaw Karai Kasang kaw na ga sadi hkam la ai wa rai nga ai, rai ti mung shi gaw shi a kasha shingtai hpe hkungga di nna nawng ya kau na jin nga chyalu rai nga ai.

HEBRE 9:5

Dai Sumpu a ntsa e singkaw tu ai hkrung kanu sumla nga ai rai nna Karai Kasang shanu nga ai kumla shapraw ma ai. Shanhte a singkaw ni hpe yubak mara ni hpe raw kau ya ai shara ngu ai Sumpu magap ntsa e hpyan ka-up nga ma ai. Ndai lam a lachyum hpe azin ayang htai dan shara n nga ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

ROMA 3:26

Rai ti mung Karai Kasang gaw ndai prat hta shi a ding hpring ai lam shadan dan na matu shinggyim masha ni a yubak mara ni hte seng nna shabyin ai lam nga nga ai. Karai Kasang gaw shi nan ding hpring ai Madu rai nga ai hpe mung, Madu Yesu hpe kam sham ai ni yawng hte hpe ding hpring ai ni ngu nna hkap la ai hpe mung shadan dan nu ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

KASA 15:18

Ndai gaw moi chyaloi nhkoi kaw nna Karai Kasang e chye shangun ai lam rai nga ai, nga nna Madu tsun nga ai.’

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

YAWHAN 6:47

Nanhte hpe ngai kaja wa teng teng tsun made ga, kam sham ai wa gaw htani htana asak lu la lu ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

SHAKAWN KUNGDAWN 97:6

Sumsing lamu ni gaw shi a ding man ai lam hpe htawn tsun nga nna; amyu baw ni yawng hte mung shi a hpung shingkang hpe mu nga ma ai.

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

SHAKAWN KUNGDAWN 40:10

Dai hkye hkrang la ai shiga hpe ngai hkum nan ip da nga nngai n rai; ngai gaw na a sadi sahka hte karum la ai lam hpe tut nawng atsun ni ai; Na a amyu masha ni yawng a shawa hpawng hta, na a kangka ai lam hte dinggrin tsaw ra nga ai lam ni hpe ngai n tsun ai sha nga kau nngai n rai.

JAW JAU 16:10

Azazela a matu lata san da ai bainam hpe dai Madu hpang de jahkrung nawng ya nhtawm amyu masha ni a yubak gun kau ya na matu Azazela nga ai nam mali de dat kau dat na rai wu ai.

SHAKAWN KUNGDAWN 98:2

Dai Madu gaw shi a awng padang hpe ndau shabra nna; shi a hkye hkrang la ai daru magam n-gun hpe amyu baw ni hpe, chye shangun nu ai.

KASA 14:16

Shi gaw lai wa sai ban prat e masha amyu baw shagu hpe, tinang ra ai hku hkan mu ga nga, dat tawn da mu ai.

ROMA 5:18

Dai rai nna masha langai mi tawt lai ai yubak mara a majaw masha amyu baw nlang hte daw dan ai hkrum ma ai hte maren ding hpring ai amu langai mi a majaw masha amyu baw nlang hte gaw yubak mara a majaw daw dan ai hta na lawt lu nna asak sumdam nnan hkrung lu ma ai.

1 KORINHTU 5:7

Nanhte tsep kawp san seng ai ni tai na matu matsi dingsa ngu ai yubak mara hpe ran kabai kau mu. Dai shaloi e nanhte gaw, matsi n rawng ai muk tawng ningnan zawn, tai na marin dai. Dai zawn nanhte kaja wa tai lu nga myit dai hpe ngai hkrak chye nngai. Hpa majaw nga yang, Hkristu ngu ai anhte a shalai wa ai hkungga gaw sat kau hkrum nu ai rai nna, anhte a Shalai wa ai Poi galaw na jin jin rai nga sai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 2:13

Rai ti mung ya chyawm gaw, Hkristu Yesu hta e kahkyin gumdin rai nga manit dai rai nna shawng e Karai Kasang hte tsan gang nga ai ni nanhte gaw Hkristu a si hkam ai a marang e Karai Kasang hte ni wa lu manit dai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,