ROMA 3:24 - Jinghpaw Common Language Bible 2009

²⁴ Rai ti mung, manu jahpu n ya ai sha Karai Kasang a chyeju hte Yesu Hkristu a marang e ding hpring ai kaw du wa lu ma ai.

Jinghpaw Hanson Version Bible

²⁴ jahpu n ya ai sha, shi a chyeju hte, Yesu Hkristu a htingrai htingra ya ai a gawp e, dinghpring ai gaw du lu na ma ai.

ROMA 3:24 ပူးပေါင်းရင်းမြစ်များ

KOLOSE 1:14

Dai Kasha a asai hte htingrai htingrat ya ai a marang e anhte hpe shalawt dat mi ai; dai gaw anhte a yubak mara ni hpe raw dat ya ai lam nan rai nga ai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

1 TIMOHTI 2:6

Shi gaw masha amyu yawng hpe hkye hkrang la na matu shi hkum nan lala hpe ap kau nu ai; Dai gaw anhte aten ladaw du jang Karai Kasang gaw masha hpe hkye hkrang la mayu ai sakse madun ai lam rai nga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ROMA 4:4

Masha langai ngai gaw bungli galaw nna shabrai lu ai shaloi dai shabrai gaw masha wa e chyeju hku jaw ai n re ai sha tinang hkam la ging ai majaw sha lu ai rai nga ai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

KASA 15:11

Anhte mung shanhte zawn Madu Yesu a chyeju hte kam sham nga ga ai,” nga nna tsun mu ai.