ROMA 3:20 - Jinghpaw Common Language Bible 2009

²⁰ Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

Jinghpaw Hanson Version Bible

²⁰ kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 3:20 ပူးပေါင်းရင်းမြစ်များ

YOBA 15:15

Karai Kasang gaw hpa majaw shi a lamu kasa ni hpe pyi n kam lu nga a ta? shanhte pyi shi a man hta san seng nga ma ai n rai.

SHAKAWN KUNGDAWN 130:3

Lama rai nna, anhte a yubak ni hpe ka matsing da ai rai yang; kadai wa mara daw dan ai kaw nna hprawng lawt lu na rai nga a ta?

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

KASA 13:39

nanhte hpe anhte chye shangun mayu nga ga ai.

ROMA 2:13

Hpa majaw nga yang, dai Tara hpe na yu ai hte sha Karai Kasang a man e ding hpring lu ai n rai, Tara hta hkang da ai hte maren hkan galaw yang sha ding hpring ai ngu na maru ai.

ROMA 3:28

Dai jep ai Tara hta hkang da ai magam bungli ni hpe hkan galaw ai hte n re ai sha, kam sham ai hte sha masha gaw Karai Kasang a man e ding hpring ai kaw du wa lu ai hpe ya anhte chye lu saga ai.

ROMA 4:13

Karai Kasang gaw Abraham hte shi a aru arat ni hpe, mungkan ga a madu tai shangun na nga nna ga sadi tawn da nu ai. Dai zawn shi ga sadi tawn da ai gaw Abraham gaw dai jep ai Tara hpe madat mara hkan sa shatup ai majaw n rai, Karai Kasang hpe kam sham ai a marang e shi hpe ding hpring ai wa ngu nna Karai Kasang hkap la sawn ya ai rai nga ai.

ROMA 4:15

Dai jep ai Tara gaw Karai Kasang a pawt sindawng ai hpe shapraw ya nga ai; rai ti mung; Jep ai Tara n nga yang gaw Tara tawt lai ai lam mung nga na n rai.

ROMA 5:13

Dai jep ai Tara garai n tawn da ai shawng kaw nna yubak mara gaw mungkan ga e nga nga sai. Rai ti mung, dai jep ai Tara garai n nga ai ten hta, Karai Kasang gaw masha ni a yubak mara ni hpe matsing da ai lam n nga ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 7:11

Yubak gaw shi a ginshan mu tam nna, dai Jep ai Tara hte ngai hpe hkalem kau nhtawm, dai hte ngai hpe sat kau ni ai.

ROMA 9:32

Hpa majaw law nga yang shanhte gaw kam sham ai hta n shamyet shanat ai sha tara hkan shadik ai hte sha hkan shachyut ma ai majaw n dep lu ma ai. Dai rai nna shanhte gaw Chyum Laika hta tsun da ai, “Lunghkrung,” hta ahtu nna kataw mat ma ai.

1 KORINHTU 15:56

Si hkrung si htan gaw shi a palen dai yubak mara kaw na lu la wu ai, yubak mara mahtang shi a atsam hpe dai jep ai tara kaw na lu la wu ai.

GALATI 2:16

Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

GALATI 2:19

Jep ai Tara hte seng nna she tsun ga nga yang, jep ai Tara e nan ngai hpe sat kau ni ai rai nna, ngai gaw jasi rai mat ni ai. Ngai gaw Karai Kasang a matu hkrung nga n ga, Hkristu hte rau shi a wudang hta jen sat kau ai hkrum ni ai.

GALATI 5:4

Jep ai Tara hpe shatup shadik ai hku nna Karai Kasang a man e ding hpring ai hpe lu la na shakut ai ni nanhte gaw Hkristu hte daw hka wa nna Karai Kasang a chyeju hta na hkrat mat wa manit dai.

HEBRE 7:19

Hpa majaw nga yang, Mawshe a Tara gaw hpa lam hpe mung hkum tsup hkra galaw lu ai n rai. Ya chyawm gaw dai grau kaja ai myit mada shara jaw mani ai rai nna, de a marang e anhte Karai Kasang kaw sit shani shang lu ga ai.