ROMA 3:19 - Jinghpaw Common Language Bible 2009

¹⁹ Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

Jinghpaw Hanson Version Bible

¹⁹ N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 3:19 ပူးပေါင်းရင်းမြစ်များ

YOBA 5:16

Shi gaw matsan mayan ni hpe myit mada shara jaw nna, n hkru ai wa hpe shazim kau nga ai.

SHAKAWN KUNGDAWN 107:42

Ding hpring ai masha ni dai lam hpe mu nna kabu gara nga ma ti mung; tara n lang ai ni yawng hte hpe chyawm gaw shazim kau ya wu ai.

SHAKAWN KUNGDAWN 63:11

Shi hpe Karai Kasang awng padang jaw ya ai majaw, hkawhkam wa kabu gara na ra ai. Karai Kasang a mying nsang hta ga shaka tawn da ai ni gaw shi hpe shakawn lu na mara ai: rai ti mung, masu magaw ga tsun ai ni a n-gup ni chyawm gaw pat kau ai hkrum na mara ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.

YAWHAN 8:9

Shanhte dai ga na jang, yawng a shawng e asak kaba sai ni langai a hpang langai pru mat wa ma ai. Shing rai Yesu hkrai sha hti nga ai hte numsha mung mi na shara hta naw tsap nga ai.

ROMA 1:20

Mungkan ga hpe Karai Kasang hpan da ai ahkying aten kaw nna masha ni gaw, myi hte n mu lu ai shi a htani htana re ai n-gun atsam hpe mung shi gaw kaja wa Karai Kasang rai nga ai Karai shingyan hpe mung, dan dan leng leng mu chye lu masai. Shing rai chye lu ai lam gaw Karai Kasang hpan tawn da ai arai ni hpe shanhte mu lu ai majaw rai nga ai; dai rai nna dai masha ni gaw tinang tawt lai ai mara a matu tsun jahpai na lam n nga mat malu ai.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

ROMA 3:4

Shing n rai law! Masha shagu masu magaw ai ni rai ma ti mung, Karai Kasang gaw sadi dung nga na sha rai nga ai. Dai Chyum Laika hta, “Na a ga gaw nang ding hpring nga ai hpe madun lu na rai nna nang tara dara hkrum yang awng dang lu na rai ndai,” nga nna ka da ai hte maren rai nga ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

1 KORINHTU 1:29

De a lachyum gaw, Karai Kasang a man e kadai mung gumrawng gumtawng n rai lu na matu rai nga ai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

GALATI 4:21

Jep ai Tara a npu e nga mayu ai ni hpe ngai san yu made ga; nanhte gaw dai jep ai Tara a hkang da ai lam hpe n na yu myit ni?

GALATI 4:5

dai kasha wa gaw jep ai Tara a npu e rai nga ai masha ni hpe hkrang shaw la na matu shinggyim kanu hta shangai wa nna Yuda ni a jep ai Tara npu e prat pra wa sai.

GALATI 5:18

Dai Wenyi e nanhte hpe woi awn myit yang gaw, nanhte dai jep ai Tara a npu e rai nga myit dai n rai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.