ROMA 3:11 - Jinghpaw Common Language Bible 2009

¹¹ Chye chyang ai wa langai mi mung n nga ai, Karai Kasang hpe nawku ai wa mung n nga ai.

Jinghpaw Hanson Version Bible

¹¹ Chye chyang ai wa n nga ai, Karai Kasang hpe tam ai wa mung n nga ai;

ROMA 3:11 ပူးပေါင်းရင်းမြစ်များ

SHAKAWN KUNGDAWN 53:2

Shi hpe nawku daw jau na hte hpaji rawng nga ai ni kadai rai tim nga dam ai rai yang, dai hpe mada yu na matu, Karai Kasang gaw sumsing lamu kaw nna shinggyim masha ni hpe gum yu nga ai.

SHAKAWN KUNGDAWN 53:4

Karai Kasang gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa, gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai hte, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 94:8

Nye a amyu masha ni e, nanhte gaw kaning rai nna hpaji n rawng ai hte angawk angak rai mayu nga myit ni? Galoi mi she, sharin hkam la na ngu nga myit ni?

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 55:6

Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

ESAIA 65:1

Dai Madu gaw, “Ngai gaw nye a amyu masha ni a akyu hpyi ga ni hpe htan ya na matu jin jin rai nga nngai, rai ti mung shanhte akyu n hpyi ma ai. Ngai hpe hkan tam na matu shanhte a matu ngai jin jin rai nga nngai, rai ti mung shanhte shakut pyi n shakut tam ma ai. ‘Ndai yang e ngai nga nga nngai; ngai nang hpe karum na nngai,’ ngu nna ngai shanhte hpe htan na matu tut nawng jin jin rai nga tim pyi, amyu baw gaw ngai kaw akyu hpyi yu ma ai n rai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

HOSEA 4:6

Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

ROMA 1:22

Shanhte gaw shanhte a hkum hpe hpaji chye ai ni rai ga ai ngu nna tsun ma ai rai ti mung shanhte gaw angawk angak re ai ni rai nga ma ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 3:10

Dai Chyum Laika hta mung: “Ding hpring ai wa langai mi pyi n nga ai.

ROMA 3:12

Yawng mayawng Karai Kasang kaw na dam mat wa masai, shanhte yawng shut hpyit lam dam mat masai, kaja ai amu kadai mung n galaw ma ai, kaja wa langai mi pyi n nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.