ROMA 3:1 - Jinghpaw Common Language Bible 2009

¹ Dai hku rai yang gaw maigan amyu masha ni hta Yuda masha ni kaning rai grau a ni? Matu gadoi hkam ai mung, hpa akyu nga a ta?

Jinghpaw Hanson Version Bible

¹ Dai rai yang gaw, Yuda wa kaning rai grau nga a ta? matu gadoi hkam ai mung, hpa akyu nga a ta?

ROMA 3:1 ပူးပေါင်းရင်းမြစ်များ

NINGPAWT NINGHPANG 25:32

Esaw mung, “Ara rai sa, ya ngai si wa magang rai nga sayang, me, nye a hpu lat aya ngai hpe hpa baw mai kaja lam shabyin ya lu na rai nga a ni?,” ngu nna tsun wu ai.

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

HPAJI NINGLI 6:11

Aten na na dangrang hkat magang akyu n rawng ai baw law jat magang rai nna nang gaw mai kaja nga ndai n rai.

HPAJI NINGLI 6:8

Hpaji rawng ai wa gaw angawk ai wa hta kade wa grau kaja nga a ni? Asak hkrun lam hpe kaning rai hkrum kadup na chye na na matu matsan mayan wa gaw mai kaja ai amu hpa hpe galaw nga a ta?

MALAHKI 3:14

Nanhte gaw, “Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

1 KORINHTU 15:32

Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.