ROMA 2:27 - Jinghpaw Common Language Bible 2009

²⁷ Nang gaw dai ka da ai jep ai Tara hku nna matu gadoi ai hking hkam la ai wa rai nga nhtawm me Tara tawt lai ai wa rai nga ndai majaw maigan masha ni nanhte Yuda masha ni hpe tara dara na mara ai. Shanhte gaw hkum shan hte seng ai matu gadoi hking n hkam la ma ai rai ti mung, jep ai Tara hpe gaw hkan shatup ma ai.

Jinghpaw Hanson Version Bible

²⁷ Hkum shan a gadoi n hkam timung, tara hpe hkan galaw ai wa gaw, laika hku hkan nna matu gadoi hkam ninglen, tara hpe tawt lai ai wa nang hpe, tara dara na rin dai.

ROMA 2:27 ပူးပေါင်းရင်းမြစ်များ

MAHTE 3:15

Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

KASA 13:22

Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

ROMA 13:10

Tinang a htingbu wa hpe tsaw ra ai wa gaw, dai wa hpe galoi mung n hkru n hkra ai lam galaw na n rai. Dai rai nna tsaw ra ai myit gaw jep ai Tara hpe shatup shadik ai lam rai nga ai.

ROMA 2:15

Dai jep ai Tara a hkang da ai lam ni gaw shanhte a kraw lawang ni hta ka da nga sai hpe shanhte a sat lawat nsam ni hku nna sakse hkam madun dan nga ai. Shanhte a htauli htaula myit ni mung dai lam teng nga ai hpe sakse hkam nga ai. Hpa majaw nga yang, shanhte a myit mang ai lam ni gaw kalang lang shanhte hpe mara shagun nna kalang lang gaw makawp maga madi shadaw nga ai.

ROMA 2:20

n hkru n shawp ai ni a hpareng ai angawk ai ni a sara rai nga nngai nga nna kaja wa kam nga ai wa dai jep ai Tara machye machyang hte teng man ai lam hkum hkum tsup tsup rawng nga ai hpe mung atsawm sha chye nga ai wa e,

ROMA 2:25

Dai jep ai Tara hpe hkan shatup myit yang gaw, matu gadoi hkam ai lam akyu rawng nga ai; rai ti mung tara hpe tawt lai ai wa nang rai nga n yang gaw, matu gadoi ai hking galoi mung n hkam la ai mahtang grau kaja nga ai.

ROMA 2:26

Lama wa matu gadoi n hkam ai maigan masha langai mi gaw jep ai Tara a hkang da ai lam ni hpe hkan shatup wa yang, dai wa hpe Karai Kasang gaw matu gadoi ai hking hkam la ai wa zawn nawn ya na wu ai n rai ni?

ROMA 2:29

Yuda masha majing chyawm gaw, kraw kata e matu gadoi hking hkam la ai wa mahtang rai nga ai. Dai wa hpe Yuda masha byin shangun ai lam gaw ka da ai jep ai Tara a majaw n rai, Karai Kasang a Wenyi e masha a kraw lawang kata hta amu galaw ai hte shabyin ai lam rai nga ai. Dai zawn re ai masha wa gaw masha kaw na shakawn kungdawn ai hpe hkam la ai n rai, Karai Kasang kaw na she hkam la ai wa rai nga ai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

ROMA 8:4

Karai Kasang ndai hku galaw shabyin ai lam gaw anhte gaw masha hkum shan myit ra ai hku n re ai sha Wenyi a myit ra ai hku asak hkrung nga ai anhte ni dai jep ai Tara hta matsun da ai ding hpring ai lam hpe hkan shadik lu na matu rai nga ai.

1 KORINHTU 7:19

Masha langai mi matu gadoi hkam ai, n hkam ai ngu ai gaw hpa lachyum n pru nga ai. Karai Kasang a htet da ai lam hkan nang na chyu sha ahkyak madung rai nga ai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

GALATI 5:14

Hpa majaw nga yang, “Na a htingbu wa hpe na a hkum hte maren tsaw ra u,” nga ai hkang da ai ga langai mi hpe hkan shatup ai hte jep ai Tara ting hpe shadik lu ai lam tai sai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

HEBRE 11:3

N mu lu ai arai ni kaw nna mu lu ai arai ni byin tai wa na matu Karai Kasang a mungga hte ndai nga yawng nga pra hpe hpan da sai lam anhte chye lu ai gaw dai makam masham a majaw rai nga ai.