ROMA 2:23 - Jinghpaw Common Language Bible 2009

²³ Nang gaw Karai Kasang a jep ai Tara a marang e gumrawng ninglen, tara hpe tawt lai ai hte Karai Kasang a sari sadang hpe jahpoi n ni?

Jinghpaw Hanson Version Bible

²³ dai jep ai tara a marang e gumrawng ninglen, tara hpe tawt lai ai hte, nang Karai Kasang hpe jahpoi n ni?

ROMA 2:23 ပူးပေါင်းရင်းမြစ်များ

JAW JAU 13:32

Hkinjawng wa mung sanit ya ngu na shani hta hpye ai ningma hpe bai jep yu na rai wu ai. Dai ningma n chyam bra ai sha dai hta na kara singgawng ni mung htoi htoi n re ai hte grup yin na hpyi shan ni hta grau n hkyawk ai rai yang,

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

YAWHAN 5:45

Nye Wa a man e ngai nanhte hpe mara shagun na ra ai ngu nna hkum nawn myit, nanhte hpe mara shagun na wa gaw, nanhte myit mada shamyet shanat nga ai Mawshe nan rai nga ai.

ROMA 2:17

Nang gaw gara hku rai nga n ta? Nang gaw na a hkum hpe Yuda masha langai mi re ngu nna dai jep ai Tara hpe kam hpa let Karai Kasang hta gumrawng nga ndai.

ROMA 3:2

Lam shagu hta akyu grai nga ai! Shawng nnan e Yuda amyu masha ni gaw Karai Kasang a shingran ga hkam la lu ma ai.

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.