ROMA 2:21 - Jinghpaw Common Language Bible 2009

²¹ nang gaw masha kaga ni hpe sharin achyin ai wa rai nga da nhtawm me, na hkum hpe gaw n sharin achyin nga nna “Hkum lagu,” ngu nna hkaw tsun nhtawm nang nan lagu nga n ni?

Jinghpaw Hanson Version Bible

²¹ masha kaga hpe sharin achyin ai wa mi, nang hkum hpe gaw n sharin achyin nga n ni? lagu lagut n mai, nga nna hkaw tsun nhtawm, nang nan lagu n ni?

ROMA 2:21 ပူးပေါင်းရင်းမြစ်များ

ESAIA 42:20

Israela e, nang gaw lam law law mu yu nit dai, rai ti mung dai lam nang hpe hpa hku lachyum shapraw nga a ni? Nang gaw na la na, na tu nga ndai, rai ti mung nang teng teng na la nga n ni?

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

LUKA 11:46

Yesu gaw, “Nanhte tara sara ni mung dingnye lu myit dai! Nanhte gaw masha ni hpe gun yak ai lit shagun nhtawm, tinang ni gaw dai lit ni hpe gun karum na matu layung hte pyi n hkra yu myit dai.

LUKA 12:47

“Tinang a madu hpa baw galaw na hpe ra sharawng ai lam chye nga da ninglen, dai galaw na matu tinang dai n hkyen shachyip da ai shangun ma kadai hpe rai ti mung ri tawng hte aja awa anu kayat nna ari jaw ai hkrum na ra ai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

LUKA 4:23

Shi gaw, “Nanhte ngai hpe, tsi sara wa e, na hkum hpe shawng shamai la u, nga ai ga malai hte tsun na marin dai. Kaperna-um mare hta nang galaw ai nga anhte na ai amu ni hpe na a buga kahtawng hta mung galaw dan u nga nna mung, ngai e nanhte tsun na marin dai,” ngu nna shanhte hpe tsun mu ai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

GALATI 6:13

Hpa majaw nga yang, matu gadoi hkam ai ni nan dai jep ai tara hpe shatup ma ai n rai, rai ti mung shanhte gaw, nanhte matu gadoi hkam la ma ai a jaw e, gumrawng gumtawng mayu ai majaw nanhte hpe matu gadoi hkam la shangun mayu ai lam rai nga ai.