ROMA 2:20 - Jinghpaw Common Language Bible 2009

²⁰ n hkru n shawp ai ni a hpareng ai angawk ai ni a sara rai nga nngai nga nna kaja wa kam nga ai wa dai jep ai Tara machye machyang hte teng man ai lam hkum hkum tsup tsup rawng nga ai hpe mung atsawm sha chye nga ai wa e,

Jinghpaw Hanson Version Bible

²⁰ n gring ai ni a hpareng wa, ma kaji ni a sara ngai rai nga nngai myit la nna, dai jep ai tara hta e chye chyang ai hte tengman ai a kasi lu ai wa nang e,

ROMA 2:20 ပူးပေါင်းရင်းမြစ်များ

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

ROMA 2:19

nang gaw myi kyaw ai ni a lam woi ai wa, nsin e lup nga ai ni a matu nhtoi tai ai wa,

ROMA 3:31

Dai rai yang gaw, kam sham ai hte anhte gaw dai jep ai Tara hpe yeng seng kabai kau sagaw ni? N rai law! Anhte dai tara hpe shangang shagrin ga ai.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

1 KORINHTU 3:1

Kaja wa tsun ga nga yang, hpu nau ni e, Wenyi myit rawng ai ni hpe zawn, nanhte hpe ngai tsun dan lu made ai n rai; shinggyim ta naw re ai ni hte Hkristu hta ma chyangai naw re ai ni hpe zawn, ngai nanhte hpe tsun shaga na nngai.

2 TIMOHTI 1:13

Ngai nang hpe sharin ya ai teng man ai mungga hpe nang hkan sa na kasi kamang shatai let ngang ngang jum da nna, anhte Hkristu Yesu hte langai sha tai nhtawm asak hkrung ai hte seng ai makam masham hte tsaw ra myit hta ngang ngang jum manoi nga u.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

HEBRE 5:13

Chyu sha naw alu nga ai wa kadai mung, jaw ai hte shut ai lam hte seng nna ginhka chye ai mahkrum madup n nga ai ma chyangai sha naw arai nga ai.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.

1 PETRU 2:2

Ma chyangai zawn wenyi hte seng ai jet ai chyu hpe galoi mung hpang gara nga mu. Shing rai nanhte lu ai hte nanhte galu kaba wa nna hkye hkrang la ai hkrum na marin dai.