ROMA 2:17 - Jinghpaw Common Language Bible 2009

¹⁷ Nang gaw gara hku rai nga n ta? Nang gaw na a hkum hpe Yuda masha langai mi re ngu nna dai jep ai Tara hpe kam hpa let Karai Kasang hta gumrawng nga ndai.

Jinghpaw Hanson Version Bible

¹⁷ Nang mahtang Yuda masha mying ai wa rai nga nna, dai jep ai tara hpe machyu nga ai hte, Karai Kasang a marang e gumrawng nga nna,

ROMA 2:17 ပူးပေါင်းရင်းမြစ်များ

SHAKAWN KUNGDAWN 135:4

Shi gaw Yaku hpe shi a matu, Israela amyu masha ni hpe shi madu na matu, lata la nu ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

LUKA 10:28

Yesu gaw, “Nang htan ai ga teng nga lit dai, shing rai u, shaloi nang asak hkrung lu na ndai,” ngu nna shi hpe htan wu ai.

YAWHAN 5:39

Chyum laika ni hta na nanhte htani htana asak mu tam la lu na re ai, nga nna shadu myit dai majaw, dai laika ni hta nanhte hkan sawk hti yu rai myit dai, dai laika ni nan nye a lam sakse hkam nga ai!

YAWHAN 5:45

Nye Wa a man e ngai nanhte hpe mara shagun na ra ai ngu nna hkum nawn myit, nanhte hpe mara shagun na wa gaw, nanhte myit mada shamyet shanat nga ai Mawshe nan rai nga ai.

YAWHAN 7:19

Mawshe gaw nanhte hpe Jep Ai Tara jaw da manit dai n rai ni? Rai ti mung nanhte hta na kadai mung, dai Tara hpe n hkan myit dai. Ngai hpe sat kau na hpa rai tam nga myit ta?,” ngu nna shanhte hpe htan mu ai.

YAWHAN 8:33

Shaloi shanhte gaw, “Anhte gaw Abraham a kashu kasha ni rai nga ga ai rai nna, gade a mayam mung galoi n tai yu ga ai. Dai re ai mi, ‘nanhte hpe shalawt dat na ra ai,’ nga nna kaning rai tsun lu a ta?,” ngu nna jawm san mu ai.

YAWHAN 8:41

Nanhte chyawm gaw, nanhte a kawa a lai len hku hkan galaw myit dai,” ngu nna tsun mu ai. Shanhte gaw, “Anhte gaw n-gyi amyu n rai ga ai, Karai Kasang shi nan anhte a langai sha re ai Kawa rai nga mali ai,” ngu nna shi hpe tsun mu ai.

ROMA 2:23

Nang gaw Karai Kasang a jep ai Tara a marang e gumrawng ninglen, tara hpe tawt lai ai hte Karai Kasang a sari sadang hpe jahpoi n ni?

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

ROMA 9:32

Hpa majaw law nga yang shanhte gaw kam sham ai hta n shamyet shanat ai sha tara hkan shadik ai hte sha hkan shachyut ma ai majaw n dep lu ma ai. Dai rai nna shanhte gaw Chyum Laika hta tsun da ai, “Lunghkrung,” hta ahtu nna kataw mat ma ai.

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

GALATI 2:15

Anhte gaw Yuda sai jet amyu masha ni rai nga ga ai, Yubak mara lu ai maigan masha ni ngu nna shamying ai ni n rai ga ai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.