ROMA 2:16 - Jinghpaw Common Language Bible 2009

¹⁶ Dai rai nna ngai hkaw tsun ai Kabu Gara Shiga hte maren, tara jeyang ai Nhtoi hta e Karai Kasang gaw Yesu Hkristu a lata hte masha nlang hte a makoi magap ai maw mawn ai myit ni hpe jeyang daw dan na ra ai.

Jinghpaw Hanson Version Bible

¹⁶ shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

ROMA 2:16 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 12:14

Karai Kasang gaw anhte galaw ai amu magup hpe kaja ai rai ti mung, n kaja ai rai ti mung, makoi magap da ai amu ni hpe pyi, jeyang na ra ai.

HPAJI NINGLI 3:17

Ngai gaw nye hkum hpe, “Karai Kasang gaw ding man ai hte n hkru ai amu hpe mung jeyang na ra ai, hpa majaw nga yang, amu shagu, arawn alai shagu gaw shi a masat da ai aten hta byin wa na ra ai,” ngu nna tsun nngai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

LUKA 8:17

Hpa majaw nga yang, makoi da ai arai hpa mung dan dawng ai de shapraw shadan dat na ra ai; ka-up magap da ai, hpa baw mung, mu lu ai nhtoi de shapraw dan na ra ai.

YAWHAN 12:48

Ngai hpe n hkap la ai hte nye a ga n hta la ai wa hpe jeyang na wa kaga mi nga ai; ngai tsun ai mungga e nan hpang jahtum na nhtoi hta dai wa hpe jeyang na ru ai.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

ROMA 3:6

Karai Kasang gaw n tara ai ngu nna anhte gara lam hku nna mung n tsun lu ga ai. Lama wa Karai Kasang n tara ai rai yang, mungkan ga hpe kaning rai tara dara lu na rai ta?

1 KORINHTU 15:1

Hpu nau ni e, ngai nanhte hpe hkaw tsun dan nna nanhte mung hkap la ai hte, dai hta nanhte a makam masham ngang ngang kang kang rai nga sai dai Kabu Gara Shiga a lam ngai nanhte hpe bai shadum mayu made ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

GALATI 1:11

Hpu nau ni e, nanhte hpe ngai hkaw tsun dan yu ai Kabu Gara Shiga gaw, masha e gyin shalat ai lam n rai nga ai lam, nanhte hpe ngai shadum shahprang made ai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

2 TIMOHTI 2:8

Ngai hkaw tsun ai Kabu Gara Shiga hta rawng ai hte maren, si mat ai ni kaw na bai hkrung rawt wa sai Dawi a aru arat rai nga ai Yesu Hkristu hpe dum nga u.

2 TIMOHTI 4:1

Karai Kasang a man e mung, hkrung nga ai ni hte si ai ni hpe tara jeyang na ra ai Hkristu Yesu a man e mung, shi gaw up hkang na matu Hkawhkam hku nna du sa na ra ai rai nna ngai nang hpe aja awa shadut dat de ai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.

1 PETRU 4:5

Rai ti mung shanhte gaw hkrung nga ai ni hte si mat ai ni hpe tara daw dan na matu shajin tawn nga ai Karai Kasang a man de shanhte nan a jahpan dan lu na rai ma ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.