ROMA 2:13 - Jinghpaw Common Language Bible 2009

¹³ Hpa majaw nga yang, dai Tara hpe na yu ai hte sha Karai Kasang a man e ding hpring lu ai n rai, Tara hta hkang da ai hte maren hkan galaw yang sha ding hpring ai ngu na maru ai.

Jinghpaw Hanson Version Bible

¹³ dai jep ai tara hpe na yu ai majaw sha Karai Kasang a man e dinghpring lu ai n rai; dai tara hkan galaw ai ni hpe mahtang gaw, dinghpring ai ngu na maru ai.

ROMA 2:13 ပူးပေါင်းရင်းမြစ်များ

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

YEREMIA 11:6

Dai hpang, dai Madu gaw ngai hpe, “Yuda mare ni hte Yerusalem nmaw lam ni de sa su. Dai shara hkan e nye a mungga hkaw tsun ai hte amyu masha ni ga shaka mungga madat na hte dai ga ni hpe madat mara hkan sa na matu tsun u.

EZEKELA 20:11

Ngai gaw shanhte hpe nye a hkang da ai matsun maroi ga ni jaw ya ni ai; dai lam ni hpe hkan sa madat mara ai ni kadai rai ti mung, asak hkrung nga shangun lu na, nye a tara ni shanhte hpe sharin achyin ya ni ai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

LUKA 8:21

Yesu gaw shanhte yawng hpe, “Karai Kasang a mungga na la nna madat mara hkan galaw ai ni gaw, ngai nu, ngai nau ni rai nga ma ai,” ngu nna htan wu ai.

YAWHAN 13:17

Ya nanhte ndai teng man ai lam hpe chye na manit dai rai nna, dai hpe hkan shatup myit yang gaw, nanhte a lu myit dai!

KASA 13:39

nanhte hpe anhte chye shangun mayu nga ga ai.

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

ROMA 2:25

Dai jep ai Tara hpe hkan shatup myit yang gaw, matu gadoi hkam ai lam akyu rawng nga ai; rai ti mung tara hpe tawt lai ai wa nang rai nga n yang gaw, matu gadoi ai hking galoi mung n hkam la ai mahtang grau kaja nga ai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

1 KORINHTU 4:4

Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

GALATI 2:16

Rai ti mung masha gaw jep ai tara hpe hkan sa shadik ai magam bungli hte Karai Kasang a man e ding hpring wa lu ai n rai; Yesu Hkristu hpe kam sham ai hte sha ding hpring wa lu ga ai hpe anhte chye ga ai majaw anhte mung jep ai Tara hpe hkan sa shadik ai magam bungli hte n rai, Hkristu Yesu hpe kam sham ai a marang e Karai Kasang a man e ding hpring ai ni tai wa lu u ga, anhte pyi Hkristu Yesu hta e kam sham saga ai; hpa majaw nga yang, dai jep ai Tara hpe hkan sa shadik ai magam bungli hte kadai mung Karai Kasang a man e ding hpring ai kaw n du wa lu ma ai.

GALATI 5:4

Jep ai Tara hpe shatup shadik ai hku nna Karai Kasang a man e ding hpring ai hpe lu la na shakut ai ni nanhte gaw Hkristu hte daw hka wa nna Karai Kasang a chyeju hta na hkrat mat wa manit dai.

TARA JAHPRANG 4:1

Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.